Merkezê Îrtîbatî û Çapemenîye yê HPGyî derheqê çalakîyanê gerîlayan ê vera hêrişî îşxalî de eşkerayîye daye. HPGyî vat: ''Çalakîyê serkewteyî yê tîmanê gerîlayanê profesyonelan bêmabên dewam kenê. Hêzê ma pê rûhê fedayîyî yê Apoyî mewzîyanê şerî de xover danê û derbeyanê pîlan danê dişmenî ro. Artêşa tirke ya îşxlakere ya ke nêeşkena vera xoverdayîşê hêzanê ma aver şiro, gazanê axûyinan şuxulnena. Artêşa tirke pê çeka kîmyewîye sûcê şerî kena û heme metodanê leyminan ê şerî şuxulnena. La rixnê naye vera xoverdayîşî gerîlayan de nêeşkena aver şiro.''

Eşkerayîya HPGyî wina ya:

Avaşîn

''21ê nîsane de Warê Xoverdayîşî yê Werxelê de îşxlakeranê ke waşt mewzîyanê şerî pê madeyê teqayîşî biteqnê hetê hêzanê ma ra bi taktîkê suîqestî ameyî pirodayene, îşxalkerêk ame cezakerdene. Eynî roje cemê şanî îşxalkerêkê waşt dormeyê warê xoverdayîşî de sîstemê kameraya mobesse ca bikero hetê hêzanê ma ra ame cezakerdene.

23ê nîsane de artêşa tirke Warê Xoverdayîşî yê Werxelê de mewzîyê şerî dayî bombayan ver ke aver şirê. Hêzanê ma pê çekanê ferdîyan da înan ro û ê mecbur mendî ke gamêke peyser biancîyê. Saetanê şewe de îşxalkeran reyna war da bombayan ver û dima ra waşt pê helîkopteran leşkeranê xo tîya ronê. Netîceya mudaxaleyê bitesîrî yê hêzanê ma de helîkopterêkê hêrişî û hêlikopterêkê skorsky ameyî derbkerdene û mecbûr mendî warî ra bikewê dûrî. Reyn eynî roje dişmenê ke badê bombardumanê waranê Girê Rûbar, Girê Cûdî, Şehîd Kendal, Şehîd Yunus û Şehîd Zagrosî waşt leşkeranê xo rono raştê mudaxaleyê hêzanê ma ame û pêkewtişê giranî qewimîyayî. Netîceya pirodayîşê bitesîrî yê hêzanê ma de 4 helîkopterê skorskî ameyî derbkerdene û mecbur mendî peyser biancîyê.

Zap

22ê nîsane de Girê Armancî yê warê Çîyareşî de îşxakerî hetê hêzanê ma yê YJA Starî ra mesafeyo nêzdî ra ameyî pirodayene. Netîceya na çalakîye de 2 îşxalkerî ameyî cezakerdene û droneyêk ame wardayene.  

23ê nîsane de Warê Xoverdayîşî yê Girê Şehîd Cûdîyî de îşxalkerî hetê hêzanê ma ra di rey bi taktîkê sabotajî ameyî pirodayene. Nê çalakîyan de tewr tay 3 îşxalkerî ameyî cezakerdene. Eynî roje îşxalkeran waşt Warê Xoverdayîşî yê Şikefta Birîndara de bikewê mewzîyanê şerî. Badê mudaxaleyê hêzanê ma pêkewtişê giranî qewimîyayî û 10 îşxalkerî ameyî cezakerdeen û 2 îşxlakerî birîndar bîyî. Reyna Girê Rûbarî û Girê Şehîd Şahînî de de zî 2 îşxlakerî ameyî cezakerdene. Eynî roje warê dormeyê warê Girê Karker û Girkê Ortê de îşxalkerî bi çekanê giranan ameyî pirodayene. Girê Şehîd Cûdîyî yê Warê Xoverdayîşî yê Karkerdî û Warê Xoverdayîşî yê Kurojahroyî de zî artêşa tirke mewzîyê şerî pê çekanê kîyewîyan dayî bombayan ver.

22ê nîsane de dormeyê Awa Zapî û Warê Xoverdayîşî yê Kurojahroyî pê teyarayanê şerî dîyayî bombayan ver. 23ê nîsane de Warê Şehîd Şahînî pê helîkopteranê hêrişî dîya bombayan ver. 23 û 24ê nînsane de Girê Cûdîyî yê herêma Zapî hetê qereqolanê sînorî ra pê obusan dîya bombayan ver. 23ê nîsane de warê Girê Cûdî, Şehîd Zagros, Girê Bihar û Girê FM û warê Çemçoyî yê herêma Zapî new rey ameyî bombardumankerdene.''