Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Bazanê Zagrosî de;

5ê kanûne de warê Cîloyê Biçûkî yê Zapî de îşxalkerî di baskan ra hetê hêzanê ma ra ameyî pirodayene. Baska yewîne mewzîyê îşxalkeran kerd hedef. Baska diyîne zî kamelyaya îşxalkeran kerde hedef. Netîceya na çalakîya serkewte ya tîmanê ma yê profesyonelan de 2 îşxalkerî ameyî cezakerdene, 1 kamelya û 1 mewzî ameyî îmhakerdene.

3 û 5ê kanûne de artêşa tirke ya îşxalkere warê Girê Hekarî yê Metîna da bombayan ver. 3 û 7ê kanûne de warê Cûdî, Girê FM, Gûndê Fileha, Sîda, Çemço û Rênçbiraxayî yê Zapî dîyayî bombayan ver. 6ê kanûne de warê Kela Bêdewe de têgêrayîşê helîkopteran qewimîya.

3 û 5ê kanûne de dewa Çemrobotkî ya Çemanka, warê Gûzê, Kanîserka yê Garî dîyayî bombayan ver. 5ê kanûne de zî dewa Şîyê ya Dînartê dîyaye bombayan ver.''