Merkezê Îrtîbatî û Çapemenîye yê HPGyî derheqê çalakîyanê gerîlayan ê ke semedê selamkerdişê serrgêra 45. ya ronayîşê PKKyî ameyî kerdene û hêrişê artêşa tirke de eşkerayîye daye û nê pare kerd:

“23ê teşrîna peyêne de Warê Xoverdayîşî yê Çemçoyî de di çalakîyî ameyî kerdene. Çalakîyan de 4 îşxalkerî ameyî cezakerdene. Eynî roje Warê Xoverdayîşî yê Sîda de îşxalkerî pê çekanê giranan ameyî pirodayene, 2 îşxalkerî ameyî cezakerdene. Warê Xoverdayîşî yê Girê Cûdîyî de zî îşxalkerî hetê hêanê ma ra ameyî derbkerdene û kamerayêka mobese ameye îmhakerdene. Warê Xoverdayîşî yê Girê Axîne de îşxalkerî hetê hêzanê ma yê YJA Starî ra ameyî pirodayene. Na çalakîye de 3 îşxalkerî ameyî cezakerdene û mewzîyêke ameye îmhakerdene.

Artêşa tirke ya îşxalkere 23ê teşrîna peyêne de zî mezîyê şerî yê Şehîd Yunus û Şehîd Çekdarî yê Warê Xoverdayîşî yê Girê Cûdîyî, mewzîyê şerî yê Şehîd Serxwebûnî yê Warê Xoverdayîşî yê Çemçoyî, mewzîyê şerî yê Şehîd Felan û Şehîd Doganî yê Warê Xoverdayîşî yê Sîda pê bombayanê qedexeyan  û çekanê kîmyewîyan dayî bombayan ver. Reyna warê bînî yê Warê Xoverdayîş yê Çemço, Kurojahro, Girê Amediyê, Girê Cûdî, Saca, Girê FMyî û erazîya Gundê Şêlazê yê Metîna pê teyarayanê şerî, helîkopteranê hêrişî, tanq, obus û çekanê giranan dayî bombayan ver. "