Rixmo ke hêzanê gerîlayan rîyê erdlerzî ra çalakîyê xo yê leşkerî vindarnayî, hêrişê vera waranê gerîlayan dewam kenê. Îşxalkeren pê hêlîkopteranê hêrişî, tanq, obus û çekanê giranan 38 rey hêriş kerd.
Merkezê Îrtîbatî û Çapemenîye yê HPGyî derheqê hêrişanê dewleta tirke ya îşxalkere de eşkerayîye daye. HPGyî vat: ''Artêşa tirke ya îşxalkere bi teknîkê giranî hêrişê Gerîlayanê Azadîye yê Kurdîstanî kena ke pozîsyonê xopawitişî de yê.''
Detayê hêrişanê artêşa tirke wina yê:
Herêma Zapî;
''16ê sibate de Warê Xoverdayîşî yê Girê FMyî de îşxalkeran hêrişê hêzanê ma kerd. Hêzanê ma yê YJA Starî çarçewaya pawitişê meşrûyî de cewab da. Tîya sîstemêkê kameraya mobesse û hacetêkê jammerî ameyî îmhakerdene.
Eynî roje mewzîyê xoverdayîşî yê dormeyê dewa Sîda ya bajarekê Şêladizê yê Amedîye pê helîkopteranê şerî çar rey dîyayî bombayan ver. Reyna Warê Xoverdayîşî yê Girê FMyî û mewzîyê xoverdayîşî yê dormeyê herêma Çemço û dewa Sîda pê hêlîkopteranê hêrişî, tanq, obus û çekanê giranan 34 red dîyayî bombayan ver.''
