Merkezê Îrtîbatî û Çapemenîye yê HPGyî nasnameyê 5 şehîdanê Avaşînî eşkera kerdî. Eşkerayîye wina ya:

''8ê teşrîna verêne ya 2021î de artêşa tirke ya îşxalkere Dola Konferansî û Tabûra Ereban ê Avaşînî dayî bombayan ver. Bombarduman de Hozan, Hebûn, Çîya, Hogir û Mizgîne şehîd bîyî ke milîtanê rayberî yê Hemleya Bazanê Zagrosî bîyî û înan derbê giranî dayî îşxalkeran ro.

Nasnameyê embazanê ma yê şehîdan wina yê:

Nameyê Qodî: Hozan Kato Name û Peyname: Agît Biro Cayê Bîyayîşî: Dirbesiyê Maye-Pî: Fatma – İsmail Tarîx û Cayê Şehadetî: 8ê Teşrîna Verêne ya 2021î / Avaşîn

Nameyê Qodî: Hebûne Kato Name û Peyname: Sumeyye Ataman Cayê Bîyayîşî: Şirnex Maye-Pî: Rahîme – Tahîr Tarîx û Cayê Şehadetî: 8ê Teşrîna Verêne ya 2021î / Avaşîn

Nameyê Qodî: Çiya Tendurek Name û Peyname: Mesut Salazer Cayê Bîyayîşî: Wan Maye-Pî: Kamîle – Mehmut Tarîx û Cayê Şehadetî: 8ê Teşrîna Verêne ya 2021î / Avaşîn

Nameyê Qodî: Hogir Deravî Name û Peyname: Ahmet Duman Cayê Bîyayîşî: Colemêrg Maye-Pî: Asya – Omer Tarîx û Cayê Şehadetî: 8ê Teşrîna Verêne ya 2021î / Avaşîn

Nameyê Qodî: Mizgîne Dilbirîn Name û Peyname: Fatma Îbrahîm Cayê Bîyayîşî: Halep Maye-Pî: Vahîde – Aziz Tarîx û Cayê Şehadetî: 8ê Teşrîna Verêne ya 2021î / Avaşîn

Embaz Hozan şaristanê Dirbêsîye de dadîya xo ra bîyo. Embaz Hozanî ciwanîya xo de xebatan de ca girewt û 2009 de zî tewrê gerîlayan bi. Embaz Hozanî pêro waranê wezîfeyî de bi fedakarî şer kerd. Ey vera cerganê DAÎŞî Rojawan de zî şer kerd û mesuldarîyê pîlî ardî ca. O serkewtişê Rojawanî ra dima agêra koyan û perwerdeyê xorinî ra dima bi fermandar. Embaz Hozan 2016 de derbazê Avaşînî bi, 5 serran de tewrê xeylêk çalakîyanê serkewteyan bi û qerardarîya xo tim mojnaye. Embaz Hozanî Avaşîn de şerê nê 6 mengan de rayberîya xeylêk çalakîyan kerde. O pê westetîya xo ya şerî û milîtanîya xo pêro embazanê xo rê bi mîsal û bi fermandaranê efsanewîyan ra yew.

Embaze Hebûne Şirnex de dadîya xo ra bîya.  Embaz Hêbûne îdolojîya cinîya azade qebul kerde, koletîye red kerde û tewra gerîlayan bîye. Embaze Hebûne wextêkê kilmî de gerîlatîye musaye dima zî derbazê Başûrê Kurdîstanî bîye. Aye Başûr de sey gerîlayêka YJA-Starî xeylêk waran de têkoşîn kerd. Embaze Hebûne Avaşîn de tewra xoverdayîşê bêhempayî bîye û gerîlayanê cinîyan rê rayberîye kerde. Embaze Hebûne pê kesayetê xo yê sade û durustî her warê têkoşînî de rayberîye kerde.

Embaz Çiya Wan de dadîya xo ra bîyo. Ey wextê zanîngehî de xebatanê ciwanan de ca girewt û 2014 de vera hêrişanê DAÎŞî zî verê xo da koyan. Embaz Çiyayî şerê vera DAÎŞî de tecrubeyê pîlî vistî destî. Rixmo ke çend reyî birîndar bi reyna zî ey têkoşînî ra fek vera nêda. Embaz Çiya dima ke agêra koyan bi fermandar. O Avaşîn de pê milîtanîya xo mazharê hûrmetê embazanê xo bi. Embaz Çiyayî wezîfeyê xo yê fermandarî û milîtanîye bi hîsgerî ardî ca û bi rayberê şerî. Embaz Çîyayî Avaşîn de derbê giranî dayî dişmenî ro û cade hêrişanê artêşa îşxalkere rê mudaxele kerd.

Embaz Hogir mîyanê eşîra Ertûşîyan de dadîya xo ra bîyo.  Embaz Hogirî verî xebatanê şorişî de ca girewt dima zî pê mesuldarî verê xo da koyanê azadan. Embaz Hogirî pêro cuya xo ya gerîlatîye de pêro waranê Avaşînî de têkoşîn kerd, tecrubeyêko pîl vist dest. O bi bi taybetî seba ke hakîmê erdê Avaşînî bi prosesê şerî de bi hawayêkê aktîfî têgêra û rayberîye kerde. Embaz Hogir pê kesayetê xo yê enerjîkî tim bi çimeyê hêz û moralî yê embazanê xo. O pê tewirê xo yê şerî û hêrsê xo yê vera dişmenî zî bi mazharê bawerîya embazanê xo.

Embaze Mizgîne Kobanê de dadîya xo ra bîya. Embaz Mizgîne wextê Şorişê Rojawanî de Rayber Apo û PKK şinasnayî û bire daye ke tewra gerîlayan biba. Embaze Mizgîne tim xîret kerd ke îdeolojîya azadîya cinîyan a Rayberîye fam bikera. Embaze Mizgîne perwerdeyê xurtî ra dima bîye gerîlayêka marîfetîne. Aye xeylêk waranê Başûrî de şer kerd dima zî derbazê herêma Avaşînî bîye. Embaze Mizgîne Avaşîn de rayberîya cinîyan kerde û kedêka pîle daye. A bîye teqîbkerdoxa gerîlatîya dewrê neweyî û rayberêka Hemleya Bazanê Zagrosî.

Şehîdanê Avaşînî derbê giranî dayî artêşa tirke ya kolonyalîste û şert û mercanê tewr zoran de zî yar û neyaran rê bêmexlûbîya gerîlatîya Apogîre îsbat kerde. Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê.''