Merkezê Îrtîbatî û Çapemenîye yê HPGyî nasnameyê 5 gerîlayanê ke şehîd bîyî eşkera  kerdî û nê çîyî vatî:

‘‘6ê adare 2019î de dewleta tirke waranê cîya cîyayan ê Metîna de hêrişêko zaf hîra kerd. Nê hêrîşan de embazê ma Arîne û Sorxwîne  herêma Golka de, embazê ma Çîyager, Welat û Sîpas zî herêma Girê Hakarî de şehîd bîyî. Embazê ma eşkîyayê zerrî û hişê heme embazanê xo de ca bigîrê. Ma embazê înan zî, soz danê înan ke ma do teqez xo biresnê hedef û xeyalanê înan.

Sere de keyeyanê Arîne, Sorxwîne, Çîyager, Welat û Sîpanî rê û heme şarê xo Kurdîstanî rê serweşî wazenê.

Nasnameyê embazanê ma yê şehîdan wina yê:

Nameyê Qodî: Arîne Zîlan Name û Peyname: Munevvere Baycan Cayê Bîyayîşî: Wan Maye-Pî:  Asya – Ubeyt Tarîx û Cayê Şehadetî:  6ê Tebaxa 2019î  / Metîna

Nameyê Qodî: Sorxwîne Mazlum Name û Peyname: Rojîne Akın Cayê Bîyayîşî: Îstanbul Maye-Pî:  Ferînaze – Emîrhan Tarîx û Cayê Şehadetî: 6ê Tebaxa 2019î / Metîna

Nameyê Qodî: Çîyager Amed Name û Peyname: Azad Şeker Cayê Bîyayîşî: Amed Maye-Pî:  Nîmete – Ferman Tarîx û Cayê Şehadetî: 6ê Tebaxa 2019î / Metîna

Nameyê Qodî: Welat Botan Name û Peyname: Îsmaîl Emre Cayê Bîyayîşî: Riha Maye-Pî:  Xanime – Şêxmûs Tarîx û Cayê Şehadetî: 6ê Tebaxa 2019î  / Metîna

Nameyê Qodî: Sîpan Rêber Name û Peyname: Sabahattîn Oncu Cayê Bîyayîşî: Bedlîs Maye-Pî:  Aynûre – Ahmet Tarîx û Cayê Şehadetî: 6ê Tebaxa 2019î  / Metîna

Arîne Zîlan

Embaza ma Arîne qezaya Wanî Elbakî de yena dinya û bi kulturê welatperwerîye bena pîle. Arîne zaf jêhat û çalake bena. La sîstemê nikayinî de seba ke cinîyan rê ca nêyeno dayene, dekewena cigêrayîşan mîyan. Sey cinîyêke şahîdê nê çîyan bena û nêwazena mîyanê ê komelî de biciwîya û cigêrayîşanê xo de têgêrayîşê Apoyî şinasnena. Vînena ke azadîya cinîyan, azadîya komelkî û cuya azadîye bîyî bingeyê têgêrayîşê Apoyî. Coka bi heskerdiş û hesrete beşdarê PKKyî bena.

Sorxwîne Mazlum

Hemraya ma Sorxwîne eslê xo de Garzan/Bedlîsij ra ya la rîyê zilmê dewlete ra keyeyê aye koçê Îstanbulî kerdo û embaza ma uca de yena dinya û mecbûr menena ke metropolanê tirkan de bi hesret û bîrîya herra Kurdîstanî bena pîle. Tarîx û xoverdayîşanê PKKyî biheyecan û nêzdî ra taqîb kena û xeyal kena ke rojêk beşdarê refanê PKKyî biba. Serra 2016î de, serra ke dewleta tirke hêrîşê xo vêşî kerdî, beşdarê PKKyî bena ke heyfê şarê xo bigîra.

Çîyager Amed

Embazê ma Çîyager Amed, merkezê welatperwerîye û paytextê welatê ma Amed de yeno dinya û bi kulturê welatperwerîye beno pîl. Hemrayê ma Çîyager bi jêhatbîyayîşê xo yeno naskerdene û madenan de sey xebatkarêk xebitêno û maneyê kede baş fam keno. Embazê ma Çîyager tesîrê birayê xo datîzayê xo de maneno ke beşdarê PKKyî bîyî. Têgêrayîşê Apoyî nêzdî ra şinasneno û demêk xebatanê mîlîsîye de ca gêno û serra 2016î de beşdarê PKKyî beno. Nameyê xo fermanderê Sûrî ra gêno ke vatbî ‘‘Se beno wa bibo, do peynîya ci muhteşem bibo’’

Welat Botan

Hemrayê ma Welat Botan qezaya Riha Pirsûsî de yeno dinya ke na qeza hetê welatperwerîye ra her cayê Kurdîstanî ra bîya nimûne. Coka embazê ma bi kurturê welatpwerîye pîl beno û hema şenikîya xo ra partî şinasneno. Bi hîkayeyanê qehremanîyanê gerîlayan pîl beno û xeyalê a roje keno ke o zî bibo parçeyê ê hîkeyayan. Ciwanîya xo de dekeweno cigêrayîşan mîyan vera xo dano koyanê Kurdîstanî.

Sîpan Rêber

Hemrayê ma Sîpan Rêber zî Bedlîs Adilcevaz de, keyeyêkê welatperwerî de yeno dinya û seba ke derûverê ci pêro girêdayîyê partî yê, o zî zaf rew partî şinasneno. Çend dibistananê dewlete yê asîmîlasyonî YÎBO de zî biwano, eşkeno eslê xo bipawo. Hema ciwanîya xo de cigêrayîşan de mîyan de beno û qerar dano ke cayo tewr baş PKK yo û vera xo dano koyanê Kurdîstanî û beşdarê PKKyî beno.