Merkezê Îrtîbatî û Çapemenîye yê HPGyî nasnameyê 6 şehîdanê Serhedî eşkera kerdî. Eşkerayîye wina ya:

''Sînorê Eyaletê Serhedî de netîceya komployê dewletan ê herêmîyan de 31ê kanûna 2020î de embazê ma Serxwebûn, Lokman, Şîrvan, Akîf, Baran û Aslan şehîd bîyî. Ma serrgêra şehadetê înan de embazanê xo bi rêzdarî yad kenê.

Nasnameyê embazanê ma yê şehîdan wina yo:

Nameyê Qodî: Serxwebûn Jêhat Name û Peyname: Sînan Serhat Cayê Bîyayîşî: Agirî Maye-Pî: Cedîde – Suleyman Tarîx û Cayê Şehadetî: 31ê Kanûna 2020î / Serhed

Nameyê Qodî: Lokman Gilîdax Name û Peyname: Erkan Gultekîn Cayê Bîyayîşî: Agirî Maye-Pî: Sitî – Kadîr Tarîx û Cayê Şehadetî: 31ê Kanûna 2020î / Serhed

Nameyê Qodî: Şîrvan Pepûle Name û Peyname: Ubeyt Selamet Cayê Bîyayîşî: Urmîye Maye-Pî: Gulbeyaze – Tacettin Tarîx û Cayê Şehadetî: 31ê Kanûna 2020î / Serhed

Nameyê Qodî: Akîf Yilmaz Name û Peyname: Halîl Yilmaz Cayê Bîyayîşî: Erdexan Maye-Pî: Famîle – Nedîm Tarîx û Cayê Şehadetî: 31ê Kanûna 2020î / Serhed

Nameyê Qodî: Baran Botan Name û Peyname: Bariş Sayin Yîgît Cayê Bîyayîşî: Wan Maye-Pî: Bedrîye – Ahmet Tarîx û Cayê Şehadetî: 31ê Kanûna 2020î / Serhed

Nameyê Qodî: Aslan Sîser Name û Peyname: Kamuran Karaman Cayê Bîyayîşî: Bedlîs Maye-Pî: Şukrane – Cebraîl Tarîx û Cayê Şehadetî: 31ê Kanûna 2020î / Serhed

Embazê ma Serxwebûn Agirî de dadîya xo ra bîyo. Embaz Serxwebûnî rêçê kekê xo teqîb kerd û 2005 de tewrê gerîlayan bi. Dima o seba xopawitişî agêra şaristanan û 2006 de tepişîya, erzîya zîndanan. 2012 de dima ke zîndanî ra vejîya embaz Serxwebûn agêra koyan, Dibistana Mazlûm Doganî de perwerde dî. Embaz Serxwebûnî wextê hêrişanê DAÎŞî de cepheyê Kerkûkî de têkoşîn kerd, embazê xo perwerde kerdî û tesîrê ciwananê Kerkûkî kerd. Dima o sey fermandarêkî agêra Herêmanê Pawitişî yê Medya. Embaz Serxwebûn waştiş û israrê xo ser derbazê Eyaletê Serhedî bi û komployê namerdî de pa 5 embazanê xo şehîd bi.

Embaz Lokman Agirî de dadîya xo ra bîyo. Embaz Lokman 1999 de vera Komployê Mîyanneteweyî tewrê gerîlayan bi. Dima ey metropolan de têkoşîn kerd û tepişîya, erzîya zîndanî. Embaz Lokmanî dima ke 2005 de zîndanî ra vejîya ancî verê xo da koyanê Kurdîstanî û xeylêk xebatanê stratejîkan de ca girewt. Embaz Lokmanî stratejîya Şerê Şorişgêrî yê Şarî de û gerîlatîya modernîteya demokratîke de xo aver berd. Embaz Lokman pê embazîya xo ya samîmîye bi mazharê hûrmet û heskerdişê embazanê xo.

Embaz Şîrvan Ûrmîye de dadîya xo ra bîyo. Embaz Şîrvanî vera hêrişanê dewleta tirke 2007 de verê xo da koyanê azadan ê Kurdîstanî.  Embaz Şîrvan wextêkê kilmî de bi fermandar û pê kesayet, ked û têkoşînê xo bi mazharê heskerdişê embazanê xo. O tim pê îradeyî perwerê xeta Apogîre bi. Ey tim xeyal kerdêne ke Vakurê Kurdîstanî de bi taybetî herêma Dêrsimî de têkoşîn bikero. Embaz Şîrvanî tewr peyên Eyaletê Serhedî de gerîlatîye kerd û bi wayîrê têkoşînêkê qerardarî. Mîraso şorişgêr ê embaz Şîrvanî tim do mîyanê têkoşînê ma de biciwîyo.

Embaz Akîf 1987 de Edexan de dadîya xo ra bîyo. Akîf Yilmazo ke Xoverdayîşê Zîndanê Amedî yê 1982î de Rojeyê Mergî yê Pîlî de şehîd bi, apê embaz Akîfî bi. Embaz Akîf pê hişmendîya nê mîrasê pîlî 2006 de tewrê gerîlayan bi. Embaz Akîf pê tecrubeyê xo Dibistana Merkezî ya Partîye ya Mazlûm Doganî de perwerde dî û xebatanê Komalanê Ciwanan de ca girewt. Embaz Akîf 2018 de pê waştiş û israrê xo derbazê Vakurê Kurdîstanî bi û armanc kerd ke rejîmê qirkerî ra qesasê şarê xo bigêro. Embaz Akîfo ke seba partîya ma fermandar û kadroyêko marîfetîn bi, pa 5 embazanê xo komployê namerdî de şehîd bi.

Embaz Baran qezaya Qelqelî ya Wanî de dadîya xo ra bîyo. Embaz Baranî vera qirkerdişanê dewleta tirke 2013 de tewrê gerîlayanê azadîye bi. Embaz Baranî mîyanê Hêzanê Taybetan de ca girewt. Embaz Baranî seba ke dewleta tirke ra qesasê qirkerdişanê vera şarê kurdî bigêro 2018 de waştişê xo ser o derbazê Vakurê Kurdîstanî bi. Ey tim pêro wezîfeyê xo bêkêmasî ardî ca. Embaz Baranî pê kesayet, fedakarî û tewrbîyayîşê xo hertim moral dayêne embazanê xo yê têkoşînî. Embaz Baran pê bawerî û perwerîya bi Rayberîye tim mîyanê pratîkan de bi.

Embaz Aslan Tetwan de dadîya xo ra bîyo. Embaz Aslano ke domanîya xo ra nata PKK şinasnayêne 2015 de vera hêrişanê qirkeran tewrê gerîlayanê azadîye bi. Embaz Aslanî xo felsefeya Rayberîye de aver berd, seba averberdişê gerîlatîya modernîteya demokratîke xîret kerd û tecrubeyê pîlî vistî destî. Embaz Baranî seba ke nê tecrubeyan embazanê xo de pare bikero û qesasê şarê xo bigêro bi waştiş û israrê xo derbazê Eyaletê Serhedî yê Vakurê Kurdîstanî bi. Embaz Baran nê warî de zî pê embazî û kesayetê xo bi çimeyê moralî yê embazanê xo.

Ma sere de keyeyanê ercîyayeyan ê embazanê xo rê pêro şarê welatperwerî yê Serhed û Kurdîstanî rê serweşîye wazenê. Şehîdê Serhedî tim do pê tewir, embazî û perwerîya xo ya bi xeta Apogîre bibê mîsal. Ma soz danê ke xeyal û armancanê înan do bîyarê ca.''