Merkezê Îrtîbatî û Çapemenîye yê HPGyî derheqê hêrişanê îşxalî û xoverdayîşê gerîlayan de eşkerayîyêke daye. Eşkerayîye wina ya:

''Seke zanîyeno artêşa tirke ya îşxalkere 23ê nîsane de vera Herêmanê Pawitişî yê Medya operasyonêkê îşxalî yo hîra dabi destpêkerdene. Nê îşxalkerî 8 mengan de zaf reyî bîyî hedefê hêzanê ma û vera derbî werdî. Bi taybetî prosesê peyênî de hêzanê ma yê Eyaletê Zapî 8-9ê kanûne de operasyonê vera îşxalkeran ê Girê Şehîd Munzurî de hema hema nefes nêda dişmenî 9ê kanûne de zî warê Cîloyê Biçûkî yê Zapî de îşxalkerî pê çalakîyêka tesîrîne ameyî pirodayene. Na çalakîye de zerarêk zî nêresa hêzanê ma ser û taktîkê dewrê neweyî bi hawayêkê serkewte û koordîneyî şuxilîyayî. NA çalakîye de artêşa îşxalkere derbê giranî werdî û seba ke nê binkewtişê xo binimna muracatê zûranê şerê taybetî kerd.

Netîce de artêşa tirke ya îşxalkere neçare mende ke herêmanê Girê Şehîd Munzur, Girê Şehîd Serxwebûnî û Cîloyê Biçûkî yê Zapî ra xo apey bianca.  Artêşa îşxalkere pê hesîya ke sey Tabûra Ereban û Werxelê do tîya de zî derbanê giranan biwera coka xo apey girewt.

Artêşa tirke ya îşxalkera ke erdî ser o pê gerîlayan nêeşkaye xîret kerd ke pê bombardumanê vera Herêmanê Pawitişî yê Medya netîce bigêra. La nê bombardumanî zî bênetîce bîyî û qet yew zerar nêresa hêzanê ma ser. Xeberê ke dewleta tirke tede vanê nê bombardumanan de zerar resayo hêzanê ma ser raşt nîyê.

Detayê hêrişanê hewayî wina yê:

27ê kanûne de warê Girê Hekarî û Girê Ortê yê Metîna, 28ê kanûne de warê Gundê Silê yê Qendîlî, 29ê kanûne de warê Awa Lolanî ya Xakûrkê û warê Şikefteyê Birîndaran û Kurojahroyî yê Zapî dîyayî bombayan ver. 30ê kanûne de zî warê Merwanosî yê Avaşînî de têgêrayîşê helîkopteran qewimîya.''