Merkezê Îrtîbatî û Çapemenîye yê HPGyî da zanayene ke dewleta tirke Werxelê û Tebûrê Ereban ra peyser ancîyaye.

HPGyî vat: ''Operasyonê îşxalî yê dewleta tirke ya îşxalkere yo ke waranê Werxelê û Tebûrê Ereban ê herêma Avaşînî de dabi destpêkerdene raştê xoverdayîşê tarîxî yê hêzanê ma ame. Îşxalkeranê ke  vera nê xoverdayîşî derbeyê pîlî werdî û nêeşkayî aver şirê, mecbur mende ke waranê Werxelê û Tebûrê Ereban ra peyser ancîyê.''

Eşkerayîye de derheqê hêrişanê hewayîyî de zî wina ame  vatene: ''16ê  teşrîna peyêne de dewa Nişarê ya Duhokî û dewa Kiyê ya Kanî Masî pê teyarayanê şerî ameyî dîyayî bombayan ver. Eynî roje waranê Ciloya Biçûk û Girê Şehîd Serxwebûnî yê Zapî de têgêrayîşê helikopteran qewimîya. 17ê teşrîna peyêne de zî warê Saca yê Zapî pê teyarayanê şerî ame bombardumankerdene''