Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalkeran de eşkerayîye daye. Eşkerayîye wina ya:

''Dewleta tirke ya kolonyalîste binê nameyê akerdişê ocaxê madenî û seydwanîye de ajananê xo şawena herêma Cûdî ya Botanî. Dewleta tirke ya îşxalkere rixmê hende operasyonanê îşxalî yê bi hezaran hêzan vera gerîlayan netîce nêgirewte û coka pê metodanê şerê taybetî xîret kena ke armancanê xo yê gemarinan bivisna destî. Seba ke ma vera ajananê ke herêma Cûdîyî de talan kenê û îxbarkerîye aver benê tedbîran bigêrê venga şarê xo yê welatperwerî danê ke  wa nêzdîyê waranê leşkeran mebo.

Dewleta tirke ya îşxalkere netîceya Operasyonê Şorişgêrî û çalakîyanê hêzanê ma de Zap de derbê giranî werdî. Seba ke binkewtişê xo binimna û rayaumûmîya bixapîna dewlete her roje rayaumûmîye rê xeberanê zûran servîs kena. Tewr peyên serekê şerê taybetî yê dewleta tirke Hulusî Akarî pê zûra 'Zap de 20 gerîlayî şehîd bîyê'  xo pê hemkaranê xo yê faşîstan da mojnayene. La vateyê ey bi temamî zûr ê. Medyaya şerê taybetî ya AKP-MHPyî zî pê nê vateyê ey bawer nêkerdo û ca nêdayo ci. Wa ancî bizanîyo ke çalakîyanê serkewteyan ê Zapî de qet yew zerar nêresayo embazêkê/a ma ser.

11ê kanûne de artêşa îşxalkere dewa Sêdarê ya herêma Meyroke ya Garê 6 reyî daye bombayan ver. Heman roje warê Çemço û Sîda yê Zapî zî dîyayî bombayan ver.''