Merkezê Îrtîbatî û Çapemenîye yê HPGyî nasnameyê gerîlayêka aşma çeleyî de şehîde bîya eşkera kerde û nê  pare kerdî:

''Ma eşkerayîya xo ya 5ê sibate de dabi eşnawitene ke 22-23ê çeleyê 2023yî de Bestaya Botanî de 6 embazê ma şehîd bîyî. Ma nasnameyê embazanê xo yê Rojbîne, Delîla, Sila, Nûda û Dîrok eşkera kerdbî û vatbi ma do nasnameyê embaza xo ya bîne zî peyra eşkera bikero. Embaza ma ya ke şehîde bîya fermandara ma ya qehremane Ronahî Penaber a.

Nasnameyê gerîlaya ke şehîde bîye, wina yo:

Nameyê Qodî: Ronahî Penaber Name û Peyname: Aysel Bayhan Cayê Bîyayîşî: Wan Maye-Pî:  Nahide – Emin Tarîx û Cayê Şehadetî: 22ê Çeleyê 2023yî / Besta

Hemraya ma Ronahî Wan de yena dinya keyeyêkê welatperwerî yê eşîrê Mamxûrî de bena pîle. Rîyê polîtîkayanê veşnayîşê dewan û koçkerdişî yê dewleta tirke ra  keyeyê aye bar keno şino Mexmûr. Hemraya ma Ronahîya ke bi hesreta herra xo bena pîle tim xeyalê qesasgirewtişî kena û 2009î de tewrê sefanê gerîlayan bena. Hemraya ma Ronahî perwerdeyê şervananê newayan Xakurkê gena û dima ra waranê sey Xinêrê, Avaşîn, Cîlo, Garê û Metîna de wezîfeyanê cîya cîyayan gena xo ser. Bado ke xeylêk tecrube kena pêser perwerdeyê branşî gena û sey gerîlayêka pîspore pratîk de dahîna aktîf cayê xo gena. Reyna Akademîya Cinîyan ê Azadan ê Şehîde Bêrîtane de perwerde gena û sey fermandarêka serkêşe ya YJA Starî pratîko serkewte rayra bena. Hemraya Ronahî 22ê çeleyê 2023yî Besta de tewrê kerwanê bêmergan bena.

Hemraya ma xo da dima mîrasê têkoşînî verda. Ma soz danê ke am do waştişê şehîdan bîyarê ca. Ma sere de keyeyê welatperwerî yê hemraya ma Ronahî rê heme şarê welatperwerî yê Kurdîstanî rê serweşîye wazenê.''