Merkezê Îrtîbatî û Çapemenîye yê HPGyî nasnameyê 4 gerîlayanê ke şehîd bîyî, eşkera kerdî û nê çîyî vatî:  

“Serra 2017î de Vakurê Kurdîstanî ra xoverdayîşê ma bî sey destanêkî. Sey serra xoverdayîşî hişê şarî de ame qeydkerdene. Gerîlayê Azadîye yê Kurdîstanî yê ke sîyasetê şerê taybetî yê dişmenî pûç kerd û hêvîya azadîye ya şarê ganî tepişenê, pê çalakîyanê xo derbeyê girdî dayî artêşa tirke ya îşxalkere ro. Vera her tewir hêrîşanê dişmenî gerîlayanê ma xover da. Rayberê nê xoverdayîşî hemrayê ma Gulan, Sorxwîn, Adire, Egîd, Îsyan û Reşît bi ruhê fedayîye şer kerd û şehîd bîyî.

Sere de keyeyanê erjîyayeyan ê hemrayanê ma Gulan, Sorxwîn, Adire, Egîd, Îsyan û Reşîtî rê û heme şarê welatperwerî yê Kurdîstanî rê serweşî wazenê û reyna soz danê ke ma do têkoşînê embazanê xo yê şehîdan bi serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Gulane Dîren  Name û Peyname: Evîne Ozturk  Cayê Bîyayîşî: Mêrdîn Maye-Pî:  Muzeyyene – Mehmet Nezîr Tarîx û Cayê Şehadetî: 4ê Êlula 2017î / Herêmê Pawitişî yê Medya

Nameyê Qodî: Sorxwîne Aram Name û Peyname: Medîne Unvar Cayê Bîyayîşî: Mêrdîn Maye-Pî: Aslîye – Mûsa    Tarîx û Cayê Şehadetî: 4ê Êlula 2017î / Herêmê Pawitişî yê Medya

Nameyê Qodî: Adire Azad Name û Peyname: Gulbahare Seçkîn  Cayê Bîyayîşî: Çewlîg Maye-Pî: Rabîa – Giyasettîn Tarîx û Cayê Şehadetî: 4ê Êlula 2017î / Herêmê Pawitişî yê Medya

Nameyê Qodî: Egîd Gabar Name û Peyname: Yasîr Mehmûdî Nasirbadî Cayê Bîyayîşî: Kirmanşan Maye-Pî: Zînete – Kerîm Tarîx û Cayê Şehadetî: 4ê Êlula 2017î / Herêmê Pawitişî yê Medya

Nameyê Qodî: Îsyan Brûsk Name û Peyname: Azad Turan Cayê Bîyayîşî: Mûş Maye-Pî: Dîlbere – Ramazan Tarîx û Cayê Şehadetî: 4ê Êlula 2017î / Herêmê Pawitişî yê Medya

Nameyê Qodî: Reşît Andok Name û Peyname: Husamettîn Ergîn Cayê Bîyayîşî: Mersîn Maye-Pî: Ayşe – Huseyîn Tarîx û Cayê Şehadetî: 4ê Êlula 2017î / Herêmê Pawitişî yê Medya

Gulane Dîren 

Hemrayê ma Gulane qezaya Qoserî ya Mêrdînî de yena dinya û keyeyê xo ra perwerdeyê welatperwerîye gêna. Seba ke keyeyê ey welatperwer o û girêdayeyê partî yo, o zî hema şenikîya xo ra partî şinasnena û bi ê kulturî pîl bena. Serra 2015î de sey cinîyêka şorişgere beşdarê refanê PKKyî bena. Û warê eskerî ra zaf xo aver bena û bena mîlîtanê YJA Starî.

Sorxwîne Aram

Hemraya ma Sorxwîne qezaya Mardînî Mîdyat de yena dinya û keyeyêkê welatperwerî de bena pîl. Hemraya ma partîya ma rew şinasnena û xoverdayîşan nêzdî ra taqîb kena. Bena şahîdê polîtîkayê dewlete yê gemarinan û rastîya dişmenî nêzdî ra şinasnena. Hemraya ma bi felsefeyê Rayber Apoyî fam kena ke komêlêko azad tena azadîya cinîyan eşkeno bêro afirnayene û qerar dana ke bi hewayêko çalak beşdarê têkoşînî biba. Serra 2014î de beşdarê gerîlayan bena.

Hemraya ma Mêrdîn de pratîkê xo yê gerîlatîye kena û zaf rew bena gerîlayêka şarezaye. Hemraya ma koyanê Zagrosî ra vera dişmenî şer kena û rayberîya xoverdayîşî kena. Ma do têkoşînê hemraya xo Sorxwîne teqez heta peynîye berê.

Adire Azad

Hemraya ma Adire qezaya Çewligî Solxan de yena dinya û keyeyêkê erjîyayeyî de bena pîl. Coka bi karekterêkê xurtî xişn bena. Hema ciwanîya xo ra tim mîyanê cigêrayîşî de bena û hewl dana ke xo raver bera. Hemraya ma wexto ke Îdeolojîyê Rayber Apoyî yê cinîyan nas kena, Têkoşînê Azadîye yê Kurdîstanî ra yena girêdayene. Serra 2016î de beşdarê PKKyî bena.

Egîd Gabar

Hemrayê ma Egîd zî bajarê Kirmaşanî yê Kurdîstanî de keyeyê ke welatperwerî de yeno dinya. Na herême têkoşînê ma de her tim bi vindertişê xo bi beşdarbîyayîşê xo zaf biqîmet a. Hemrayê ma nê derûverî ra pîl beno ke zilm zordarîya zilmkaran nêzdî ra şinasneno. Serra 2015î de qerar dano ke beşdarê refanê gerîlayan bibo. Sey ciwanêkê şorişgerî têkoşînî mîyan de cayê xo gêno.

Îsyan Brûsk

Hemrayê ma Îsyan zî mîyanê keyeyêkê welatperwerî de yeno dinya û bi lorîyanê xoverdayîşî beno pîl. Derûverê hemrayê pêro girêdayîyê kulturê kurdî benê û o zî hema şenikîya xo ra partîya ma şinasneno û kulturê kurdî nêzdî ra taqîb keno û bala xo dano ser. Keyeyê hemrayê ma rîyê problemanê madî ra mecbûr manenê ke şêrê metropolanê Tirkîya û embazê ma uca de hem beşdarê xebatan beno hem zî keyeyê xo rê hetê madî ra destek beno. Hemrayê ma serra 2014î de seba ke ameyoxê şarê kurdî bibo azad, beşdarê gerîlayan beno.

Reşît Andok

Hemrayê ma Reşît zî mîyanê keyeyêkê welatperwerî de yeno dinya ke rîyê zilmê dewlete ra koçê Mersînî kerdo. Hemrayê ma beno şahîdê zilmê dewlete û dekeweno cigêrayîşanê têkoşînî mîyan. Hemrayê ma seba ke hetkarîya keyeyê xo bikero xeylê karan de xebitîyayo û maneyê kede baş fam keno. Hemrayê herra Kurdîstanî ra dûrî pîl bibo zî bi zanayîş û welatperîya xo beno wayîrê kesayetêkê qayîmî. Bi xeyalê şerkerdiş û heyfgirewtişî serra 2015î de beşdarê refanê gerîlayan beno.

Ma reyna soz danê ke ma do xoverdayîşo ke hemrayanê ma ma rê mîras verdayo, heta serkewtişî berê.’’