Merkezê Îrtîbatî û Çapemenîye yê HPGyî derheqê hêrişanê dewleta tirke ya îşxalkere de eşkerayîye daye û nê vatî:

''Rejîmê AKP-MHPyî hêrişê xo yê vera Gerîlayanê Azadîye yê Kurdîstanî zêdînayî. Rixmo ke hêzanê ma çalakîyê xo vîndarnayî, Vakurê Kurdîstanî de xeylêk herêman de hêrişê bêmabên yenê kerdene. Xora vera Herêmanê Pawitişî yê Medya tim erd û hewayî ra bombardumanî yenê kerdEne. Bi bombayanê qedexeyan hêrişê tunalanê ma yê şerî kenê. Rejîmê AKP-MHPyî ameyoxê xo şerî de vîneno, coka semedê şerî kerdo xo çeng û hêrişê xo zêdînayî.

Detayê hêrişanê artêşa tirke ya îşxakere wina yê:

Herêma Metîna de;

27ê adare de vera herêmanê xoverdayîşî yê Metîna hêrişî ameyî kerdene. Hêzanê ma semedê xopawitişî  bi çekanê giranan cewab da. Reyna warê Golka yê Metîna 2 rey pê teyarayanê şerî dîya bombayan ver.

29ê adare de mewzîyê xoverdayîşî yê Sîda 2 rey bi çekanê qedexeyan dîyayî bombayan ver. Eynî roje mewzîyê xoverdayîşî yê Sîda û Çemçoyî bi obus, tanq û çekanê giranan 19 rey dîyayî bombyan ver.

Xayînan ra do hesab bêro persayene

Hemrayê ma Harun ( Selîm Adiyaman) yo ke vera zordarîyan bi kede têkoşînê xo rayra berdêne, seba ke têna maneno û mecbûr maneno ke şiro deşte. Senî ke çapemenî de zî ame vînayene bêçek o û rewşa zore de yo, hetê xayînan ra raştê heqeretî yeno dima ra dişmenî rê yeno teslîmkerdene. Nê xayînan ke gerîlayêkê azadîye teslîmê dewleta tirke kerd, înan ra do hesabo giran bêro persayene. Şarê ma yo welatperwer gerek vera nê xayînan tewir bîgêro û nînan mehkum bikero.''