Merkezê Îrtîbatî û Çapemenîye yê HPGyî 3 gerîlayê ke 2015 de Cîlo de şehîd bîyê yad kerdî.

Eşkerayîye wina ya:

''13ê teşrîna verêne ya 2015î de Girê Şehîd Azîzî yê Cîloyî de çalakîya serkewte ya vera leşkeranê dişmenî ra dima wextê apeyantişî de bombarduman de embazê ma Amed, Bahoz û Brûsk şehîd bîyî.

Nasnameyê embazanê ma yê şehîdan wina yê:

Nameyê Qodî: Amed Rojhilat Name û Peyname: Seccad Mesihanefes Cayê Bîyayîşî: Urmîye Maye-Pî: Xecîce – Ferhat Tarîx û Cayê Şehadetî: 13ê Teşrîna Verêne ya 2015î / Cîlo

Nameyê Qodî: Bahoz Çatak Name û Peyname: Erdal Şakar Cayê Bîyayîşî: Wan Maye-Pî: Heybete – Îsmet Tarîx û Cayê Şehadetî: 13ê Teşrîna Verêne ya 2015î / Cîlo

Nameyê Qodî: Brûsk Armanc Name û Peyname: Kenan Ay Cayê Bîyayîşî: Amed Maye-Pî: Ganimaye – Vasıf Tarîx û Cayê Şehadetî: 13ê Teşrîna Verêne ya 2015î / Cîlo

Embaz Amed şaristanê Urmîye yê Rojhelatê Kurdîstanî de dadîya xo ra bîyo. Embaz Amedo ke verî tewrê xebatanê şorişî bi serra 2007î de zî tewrê gerîlayan bi. Embaz Amedî roja verêne ra dima tim xîret û kede daye têkoşînê azadîye. Ey tim xeyalê ci kerd ke kurdan koletîye ra bixelisno. Embaz Amedî cepheyê xoverdayîşî de milîtanîya Apogîre ya raştikêne mojnaye. Ey xeylêk waranê Kurdîstanî de têkoşîn kerd û tewr vernî de ca girewt. Embaz Amed pê têkoşîn û bawerîya xo tim do bibo perspektîfê têkoşînê azadîye.

Embaz Bahoz Wan de dadîya xo ra bîyo. Embaz Bahozî vera polîtîkayanê qirkerdişî yê dewlete serra 2013î de verê xo da koyanê Kurdîstanî û tewrê gerîlayan bi. Embaz Bahozî safhayanê perwerdeyî de serkewtişêko pîl mojna û seba ke xeyalanê xo bîyaro ca kedêka pîle daye. Embaz Bahozî marîfetê xo waranê şerî de mojnayî û pê kesayetê xo yê zerrînizmî û pê performansê xo cepheyê şerî de derbê girnaî dayî dişmenî ro. Embaz Bahoz pê kede û têkoşînî, pê xîretî bi sembolê milîtanê fedayî yê Apogîrî. O do tim têkoşînê ma de biciwîyo û rayîrê ma roşnî bikero.

Embaz Brûsk Amed de dadîya xo ra bîyo. Embaz Bruskî dima ke xebatanê ciwanan de ca girewt serra 2014î de verê xo da koyan û bi gerîla. Embaz Brûskî tim xîret kerd ke bibo gerîlayêko marîfetîn û nê xîretê xo ra qetî fek vera nêda. Embaz Brûskî vera artêşa îşxalkere twr vernîya cepheyî de têkoşîn kerd. Embaz Brûsk pê kesayetê xo yê zerrînizmî bi mazharê hûrmetê embazanê xo. Embaz Brûsko ke tim pê fedakarî û kede têkoşîn kerd do heta peynî mîyanê çêranê Zagrosan de ca bigêro.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma reyna soz danê ke ma do têkoşînê şehîdanê xo yê çêran pîl bikerê û bipawê.''