Merkezê Îrtîbatî û Çapemenîye yê HPGyî nasnameyê 4 gerîlayan eşkera kerdî û nê vatî:

''Hemerayanê ma Dogan, Serhat, Agir û Andok  yê ke 2016 de şerê qirkerdişî yê dewleta tirke yo ke Vakûrê Kurdîstanî de vera şar û têgêrayîşê ma ameyêne rayra berdene de bi hewayêkê fedayî şer kerd û şehîd bîyî ma înan bihurmet yad kenê. Ma do xeyalanê înan Kurdîstanê azadî de miheqeq bîyarê ca.

Nasnameyê hemrayanê ma yê şehîdan wina yê.

Hemrayê ma Dogan qezaya Milazgîrî ya Mûşî de ameyo dinya û serranê xo yê ciwanîye de xebatan de ca geno ke berpirsîyarîya xo bîyaro ca. Rîyê problemanê ekonomîkî ra mecbur maneno ke metropolan de bixebitîyo û tîya raştîya dişmenî dahînî rind fam keno. Hemrayê ma Dogan  2007 de tewrê sefanê gerîlayan beno û gama verêne ya semedê azadîya şarê ma erzeno. Pîya bi xebatanê rojaneyî yê pratîkî hetê bînî ra perwerdeyî ser o zaf vineno, bi felsefeya Rayber Apoyî xo resneno û beno fermandarêko serkêş. Hemrayê ma Dogan wazeno Vakur de gerîlatîye bikero û xeylêk çalakîyanê ke dewleta tirke derbê pîlî werdî de ca girewto.

Hemrayê ma Serhado ke Erzirom de ameyo dinya û bi kulturê welaperwerîye bîyo pîl. Hema ciwanîye xo de hêrişê qirkerdişî yê dewleta tirke yê vera kurdan dîyî û semedê hesabê ci persayîşî waşto mîyanê têkoşînî de ca bîgêro. Na çarçewe de 2014 de verê xo dayo koyanê azadan ê Kurdîstanî, bi avantajê gerîlatîya Vakurê Kurdîstanî demo kilm de bîyo gerîlayêko serkewte û serkêş.

Hemrayê ma Agîr Amed de ameyo dinya û keyeyêko kedkar û welatper de bîyo pîl. Seba ke paştî bido keyeyê xo gureyanê cîya cîyayan de xebityayo. Nê prosesî de dîyo ke şarê ma rîyê nasnameyê kurdîtîye ra senî raştê zextan yeno. Hemrayê ma Agir vera polîtîkayanê asîmîlasyon û înkarî kewto mîyanê cigêrayîşan û tewr peynî de PKKyo ke domanîya xo ra nameyê ci eşnawito dahîna nêzdî ra nas kerdo û 2014 de tewrê sefanê gerîlayan bîyo. Seba ke bireso xeta gerîlayanê profesyonelan keda pîle daye. Rixmo ke birîndar bi û Metîna de wextêk pratîk de ca girewt waşt Vakur de gerîlatîye bikero. 2016 de verê xo da Erziromî û tîya pratîko hêzdar ramojna.

Hemrayê ma Andok qezaya Gimgimî ya Mûşî de ameyo dinya û bi kulturê welatperwerîye bîyo pîl. Polîtîkayanê qirkerdişî yê dewleta tirke yê vera şarê ma rê nêzdî ra şahîdîye kerda û tim vera îşxalkeran hersbîyaye bi. Hemrayê ma ke Têgêrayîşê Azadîye yê Kurdîstanî nêzdî ra teqîpkerdene 2015 de tewrê sefanê gerîlayan bîyo. Seba ke herra xo ya ke zaf hole nas keno de gerîlatîye kerdêne no sey avantejêk şuxulna û pratîko xurt ramojna. Wextanê tewr zehmetna de zî xeta xo ya şerî ra peyser game nêeşte. Seba ke têkoşînê şorişî yê şehîdan biresno serkewtişî keda pîle daye.

Ma sere de keyeyanê ercîyayeyan ê embazanê xo Dogan, Serhat, Agir û Andokî  rê, pêro şarê welatperwerî yê Kurdîstanî rê serweşîye wazenê. Ma do  xeyalanê înan Kurdîstanê azadî de miheqeq bîyarê ca.''