HPG: Pê têkoşînê xo destanî nuştî
HPGyî nasnameyê 4 gerîlayanê ke Herêmanê Pawitişî yê Medya de şehîd bîyî eşkera kerdî û vat: ''Hemrayanê ma vera îşxalkeran pê têkoşînê xo destanî nuşî.''
Merkezê Îrtîbatî û Çapemenîye yê HGPyî derheqê şehadetê 4 gerîlayan de eşkerayîye daye û nê pare kerdî:
5ê kanûna 2015î de wextê operasyonanê dewleta tirke ya îşxlakere yê vera Herêmanê Pawitişî yê Medya de mabênê pêkewtişî qewimîyayî. Nê pêkewtişan de mîlîtanê qehremanî yê Têkoşînê Azadîye yê Kurdîstan Xebat, Mazlum, Numan û Şoreş tewrê kerwanê şehîdan bîyî.
 |
Nameyê Qodî: Xebat Amed Name û Peyname: Ahmet Esmer Cayê Bîyayîşî: Amed Maye-Pî: Fevzîye - Aslan Tarîx û Cayê Şehadetî: 5ê Teşrîna Peyên a 2015î /Herêmê Pawitişî yê Medya |
 |
|
 |
|
 |
|
Hemrayê Xebat keyeyêko welatperwer ê Amedî de ameyo dinya û bi kulturê welatperwerîye bîyo pîl. Hemra Xebatî hema domanîya xo de Têkoşînê Azadîye yê Kurdîstanî nas kerdo û vera polîtîkaya înkar û îmhayî ya dewleta tirke sey kurdêkê bianûrî mîyanê têkoşînî de cayê xo giewto. Gama ke Fakulteya Tipî de wendêne tewrê xebatanê ciwanîye bîyo û dima ra serra 2013yî de verê xo dayo sefanê gerîlayan. Hemrayê ma Xebatî ke cografyaya zehmete ya Zagrosan de gerîlatîye kerde xeyêk çalakîyanê bitesîran de ca girewt ke derbeyê pîlî dîyayî dewleta tirke ro. Hemrayê ma Xebat do tim verê têkoşînê ma roşn bikero.
Hemrayê Mazlûm warê xoverdayoxan Colemêrg de ameyo û keyeyêkê welatperwerî de bîyo pîl. Hemrayê ma Mazlûmî hêrişê dewleta tirke yê vera kurdan nêzdî ra dîyo û hema serranê xo yê wirdîyan de tewrê têkoşînî bîyo. Rixmo ke xeylêk rey ameyo destbendkerdene çirey têkoşînî ra peyser game nêeşta û tewr peynî de 2014î de verê xo dayo koyanê azadan. Zagorosan de gerîlatîye kerda û demêkê kilmî de bîyo gerîlayêko serkewte. Hemrayê Mazlûmî yo ke xeta Rayberîye esas girewt û heme wezîfeyê xo bi serkewtişî ardî ca do tim mîyanê têkoşînê ma de biciwîyo.
Hemrayê Nûman Amedo ke xoverdayîşê Kurdîstanî rê serkêşîyo keno de ameyo dînya û tîya bîyo pîl. Bado ke wextêk xebatê ciwanîye kerdî 2014 de verê xo dayo sefanê gerîlayan. Roja tewrbîyayîşî ra cade cehd kerd ke xo aver bero û hunerê gerîlatîya demê newîye de bîyo pîspor. Xeylêk çalakîyanê ke derbeyê pîlî dîyayî dişmenî ro de cayê xo girewto her ca de mîsyonê xo yê serkêşîye ardo ca. Xeylêk wext Zagrosan de mendo bi moralê xurtî xebatê xo rayra berdî. Hemra Nûman do tim ma de reyde biciwîyo verê ma roşn bikero.
Hemrayê ma Şoreş keyeyêko welatperwer ê Amedî de ameyo dinya û pîl bîyo. Hewa domanîya xo de Têkoşînê Azadîye yê Kurdîstanî nas kerdo û tewrê xebatan bîyo. 2014 de Mêrdîn de tewrê sefanê gerîlaya bîyo û demê kilmî de xo resnayo. Hemrayê ma yê ke herêma Avaşînî de gerîlatîye kerde sey gerîlayêkê serkewteyî xeylêk çalakîyan de cayê xo girewto û hetê hemrayanê xo ra zaf ameyêne heskerdene. Hemrayê ma Şoreş do tim têkoşînê ma de biciwîyo û rayîrê ma roşn bikero.
Sere de keyeyê erjayeyî yê hemrayanê ma Xebat, Mazlûm, Nûman û Şoroş ê ke vera îşxalkeran pê têkoşînê qehremankîyî tarîxê azadîye yê şarê ma de destanî nuştî, wa sereyê heme şarê walatperwerî yê Kurdîstanî weş bo.''
