Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîya nuştekîye daye û nê pare kerdî:

''Operasyono ke artêşa tirke 14ê teşrîna peyêne de herêma Zapî de da despêkerdene dewam keno. 14ê teşrîna peyêne de îşxalkeranê ke xîretkerdene ke warê Qela Bêdewê de xo ca bikerê bi taktîgê sabotajî ameyî pirodayene. Çalakîye de tespîtkerde 2 îşxalkerî ameyî cezakerdene la hûmara merde û birîndaran zafêr a.

15ê teşrîna peyêne de îşxalkerê dewa Nêrwe ra ver bi hetê warê Herfê Tyî yê şiyêne hetê hêzanê ma ra ginayî damî ro û bi hawayêkê bitesîrî ameyî pirodayene. Reyna eynî roje eynî warî de îşxalkerî mesafeyo nizdî ra ameyî pirodayene. Tîya de 3 îşxalkerî ameyî cezakerdene. Nê çalakîyan de embazê ma Partîzan û Gabar bi hawayêkê qehremankî şer kerd û şehîd bîyî.

16ê teşrîna peyêne de îşxalkerê ke Qilê Şehîd Munzurî de ameybî cakerdene vera înan çalakîyêke ameye kerdene.  7 îşxalkerê ke ameyî hedefgirewtene ra 5 îşxalkerî ameyî cezakerdene û 2ê înan zî birîndar bîyî. Eynî qil de xeymêke zî ameye îmhakerdene û la hûmara merde û birîndaran ê dişmenî zelal nêbîye.

13ê teşrîna peyêne de artêşa tirke dewanê Minînê û Banîkê yê warê Pîrbila yê Heftanînî de operasyonêk da despêkerdene û roja bîne destveng peyser ame antene.

14ê teşrîna peyêne de warê Çemço yê pabesteyê herêma Zapî ame bombardumankerdene. Nê hêrişî de vînîbîyayeyê ma çîn ê.''