HPG: Zap de 3 îşxalkerî ameyî kiştene

Çalakîyanê Gerîlayanê Azadîye yê Kurdîstanî de 3 îşxalkerî ameyî kiştene û mewzîyêke ameye îmhakerdene.

Merkezê Îrtîbatî û Çapemenîye yê HPGyî derheqê çalakîyanê xo  yê 11-12ê gulane yê ke vera artêşa tirke ameyî kerdene de eşkerayîye daye û nê vatî.

Avaşîn

''12ê gulane de Warê Xoverdayîşî yê Werxelê de hêzanê ma yê YJA Starî çalakîya sabotajî kerde. Saetanê cemê şanî de hêzanê ma reyna pê çekanê giranan da îşxalkeran ro. Badê çalakîyan îşxlakeran herême da bombayan ver û gamêke peyser ancîyayî.

Zap

11ê gulane de îşxalkeranê ke waşt ver bi mewzîyanê şerî yê Girê Şehîd Tolhildanî yê Warê Xoverdayîşî yê Kurojahroyî û Warê Xoverdayîşî yê Girê Şehîd Şahînî de aver şirê hetê hêzanê ma ra ameyî pirodayene. Badê  pirodayîşanê bitesîren îşxalkerî gamêke peyser ancîyayî. 12ê gulane de çalakîya suîqestî ya Girê Ortê yê Warê Xoverdayîşî yê Karkerî de îşxalkerêk ame cezakerdene. Eynî roje Girê Şehîd Berxwedanî yê Warê Xoverdayîşî yê Şehîd Şahînî de zî îşxalkerî ameyî pirodayene. Droneyê ke tîya ameyî hedef girewtene warî ra kewtî dûrî. Girê Şehîde Sorxwîne yê Warê Xoverdayîşî yê Çîyareşî de zî  îşxalkerêk ame cezakerdene. Warê Xoverdayîşî yê Kurojahroyî de zî îşxlakerî bi çekanê giranna ameyî pirodayene, îşxalkerêk ame cezakerdene. Girê Şheîd Şemdînî yê Kurojaroyî de hêzanê ma yê YJA Starî çalakîya bitesîre kerde. Eynî roje Girê Şehîd Berwedanî pê çekanê kîmyewîyan dîya bombayan ver.

Bombarduman

11 û 12ê gulane de Girê Hakarî, Girê Koordîne, Girê Azadî yê herêma Metîna û dormeyê dewanê Dêşîşê, Seraro, Hirorê pê helîkopteranê hêrişî û hetê qereqolanê sînorî ra pê obusan dîyayî bombayan ver. 12ê gulene de Girê Amedîye û Girê FMyî yê herêma Zapî pê teyarayanê şerî û Girê Şekîfî yê herêma Xakurkê û warê Çemço û Sîda yê herêma Zapî pê obusanê ke xeta sînorî ra ameyî eştene, dîyayî bombayan ver.''