Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî. Eşkerayîye wina ya:

''Gerîlayê azadîye yê Kurdîstanî vera pêro polîtîkayanê şerê taybetî her cayê Kurdîstanî de bi îrade û qerardarîyêka pîle têkoşînî rê dewam kenê. Nê têkoşînê azadîye de hêzê ma yê Vakurê Kurdîstanî sey her wextî mîsyonêkê tarîxîyî anê ca. Seba ke dişmen pê pêro îmkanê xo û têkoşîn bi zehmetî yeno kerdene hêrsê vera dişmenê kolonyalîstî zêdîyeno. Coka têkoşîn zî hîna çetin beno. 2021 bîyo serrêka winasên a ke Vakur de têkoşîn bi pîlêr û derbê giranî dîyayî dişmenî ro. Xora bedelê nê derban û têkoşînê vera dişmenî est ê. Embazanê ma Canfeda û Amara Cûdî û Garzan de têkoşîn kerd, çalakîyanê bitesîran ê vera dişmenî de ca girewt û waşt ke têkoşînê azadîye bi serfîrazîye tacîdar bikerê. Nê embazanê ma pê xoverdayîşê xo yê bêhempayî  serkêşîya têkoşînê Vakurê Kurdîstanî kerd. Ma nê embazan bi rêzdarî yad kenê, sere de keyeyanê înan ê ercîyayeyan pêro şarê xo yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Amara Rojbîn Name û Peyname: Cemîle Çîftçî Cayê Bîyayîşî: Wan Maye-Pî: Devlete – Cuma Tarîx û Cayê Şehadetî: 22ê Êlula 2021î / Cûdî

Nameyê Qodî: Canfeda Gever Name û Peyname: Adnan Olmez Cayê Bîyayîşî: Colemêrg Maye-Pî: Qazê – Cemal Tarîx û Cayê Şehadetî: 23ê Teşrîna Peyêne ya 2021î / Garzan

 

Embaza ma Amara Wan de dadîya xo ra bena. Embaze Amara verî xebatanê legalan de ca gêna û binê tesîrê gerîlayanê cinîyan de manena. Dima ke 2012 de 15 gerîlayê cinîyî Garzan de şehîd benê Amara zî bi hîsê qesasê înan 2013 de tewra gerîlayan bena.

Embaza ma Amara dima derbazê Herêmanê Pawitişî yê Medya bena û tîya de tecrubeyêkê pîlî visnena destî. Embaze Amara Garê de 2 serran pratîk kena û wazena xo aver bera.

Embaze Amara 2015 de derbazê Cîloyî bena û tîya de vera dişmenî serkêşîya xeylêk çalakîyanê serkewteyan kena. Embaze Amara tîya de pê têkoşînê xo bena fermandarêka serkêşe û bi israrî verê xo dana Vakurê Kurdîstanî.

Embaze Amara Akademîya Şehîde Bêrîtane de perwerde vînena û kesayetê xo de xorinîyêke peyda kena. Embaze Amara seba ke taktîkanê dewrê neweyî hol bîyara ca wazena xo aver bera. 

Embaze Amara dima wazena derbazê warê Cûdîyî yê Botanî biba. Embaze Amara Cûdî de vera dişmenî sey fermandarêka YJA-Starî erkê xo yê serkêşîye bi serkewteyî ana ca. Embaze Amara pê kesayetê xo û milîtanîya xo bena mazharê heskerdişê embazanê xo. A heta şehadetê xo 22ê êlula 2021î bi fedayîtî şer kena.

Embaz Canfeda Gever de dadîya xo ra beno. Embaz Canfeda hema domanîya xo de partîya ma şinasneno û ciwanîya xo de mîyanê xebatan de ca gêno. Dima 2013 de o tewrê gerîlayan beno. Embaz Canfeda wextê hêrişanê DAÎŞî de xeylêk waran de vera nê cerganê barbaran şer keno û tecrubeyanê girîngan visneno destî. Embaz Canfeda dima tewrê perwerdeyan beno û xo her warî de aver beno. Embaz Canfeda dima Heftanîn de beno fermandarêk û derbanê giranan dano dişmenî ro. Embaz Canfeda waştişê xo ser o derbazê herêma Garzanî ya Vakurê Kurdîstanî beno. Garzan de sey fermandarêkê mîsalî têgêreno. Ma soz danê ke têkoşînê ey rê dewam bikerê û xeyalanê şehîdanê xo bîyarê ca.''