Eşkerayîya Merkezê Îrtîbatî û Çapemenîye yê HPGyî wina ya:

‘‘Hemrayê ma Ferhat serra 2021î de Herêmanê Pawitişî yê Medya de bi qezayêkî şehîd bi. Hemrayê ma Ferhat keyeyê xo ra û derûdorê xo ra welatperwer bi, bi serran mîyanê refanê Gerîlayê Azadîye yê Kurdîstanî têkoşîn kerd. Bi beşdarbîyayîşê xo yê kedkarî û fedakarîye, seba heme embazan nimûneyêk bi. Ma soz danê ke ma do xo biresnê hedefê ey ê Kurdîstanê Azadî.

Nasnameyê Hemrayê ma wina yo:

Nameyê Qodî: Ferhat Xizginos Name û Peyname: Mehmet Yanar Cayê Bîyayîşî: Çewlîg Maye-Pî:   Halîme-Ramazan Tarîx û Cayê Şehadetî: 2021 /  Herêmê Pawitişî yê Medya

Hemrayê ma Ferhat qezaya Darahênî ya  Çewlîgî  de yeno dinya. La keyeyê ey koçê Amedî keno û embazê ma Ferhat Amed de beno pîl. Ferhat keyeyêkê welatperwer û girêdayîyê kurdîtî de kultur û tarîxê xo baş şinasneno. Şahadetê xalê ey, oyo ke mîyanê refanê gerîlayan de bi, zaf tesîrê hemrayê ma keno. 2 birayanê xo ra dima o zî seba ke vera sîstemê kiştoxî şer bikero serra 2005î de aşma tebaxe de beşdarê refanê gerîlayan beno û bi serran şer keno.

Hemrayê ma Zagrosan ra 7 serrî binê fermandarîya Fermandarê Nemirî Şehîd Reşîd Serdarî de şer keno û heme tecrueyanê fermandarê xo ra îstîfade keno û banderê şerî beno. Zimistanê 2012-2013î de beşdarê akademî beno tecrubeyê xo yê 7 serran embazê xo reyde pare keno. Wexto ke DAÎŞ hêrîşê herra Kurdîstanî keno, o zî sey her mîlîtanê Rayber Apoyî çekê xo gêno û şono herême de vera DAÎŞî şer keno û înan herra Kurdîstanî ra qewirneno.

Hemrayê ma Ferhat bi qezayêkî şehîd bî. Ma keyeyê Hemrayê ma rê û heme şarê Kurdîstanî rê serweşîye wazenê.’’