Merkezê Îrtîbatî û Çapemenîye yê HPGyî  nasnameyê gerîlayêkê şehîd bîyo eşkera kerd û nê pare kerdî:

''Hemrayê ma Şahîn gama ke Gaberê Botanî de serê wezîfeyê xo de bi, 6ê adara 2013yî de hetê ajanêkî ra, netîceya komployî de şehîd bîyo. Badê na babete ajan ameyo cezakerdene. Seba ke 2013 de hêzê ma Vakurê Kurdîstanî ra ancîyayî û zaf ciwanî tewrê sefanê gerîlayan bîyî, serrêka zaf sixletî bî, coka wextî de eşkerayîye nêameye dayene. Ma serrgêra şehadetê ci de hemrayê xo Şahînî bihurmet yad kenê û sozê serkewtişî ke ma dayo şehîdanê xo, newe kenê. Ma sere de keyeyê ci yê erjîyayeyî rê heme şarê welatperwerî yê Kurdîstanî rê serweşîye wazenê.

Nasnameyê hemrayê ma Şahîn Şahoyî wina yo:

Nameyê Qodî: Şahîn Şaho Name û Peyname: Mehmet Sait Guneş Cayê Bîyayîşî: Wan Maye-Pî: Pakize – Ali Tarîx û Cayê Şehadetî: 6ê Adara 2013yî /Gabar

Hemrayê ma Şahîn sey endamêkê eşîrê Brukî Wan de yeno dinya û keyeyêkê welatperwerî de beno pîl. Ciwanîya xo de polîtîkaya asîmîlasyon û qirkerdişî ya ke dewleta tirke vera kurdan rayra bena, dahîna nêzdî ra vîneno û wazeno vera nê têkoşîn bikero. Xeylêk waran de xebate rayra beno. Bado ke zextî zêdîyenî, vano gerek têkoşîn bêro xurtkerdene û 2009 de unîversîte caverdeno û pîya bi Kurtay-Necatî Guneşî tewrê sefanê gerîlayan beno. Semedê perwerdeyê şervananê neweyan ravîyareno Qendîlî. Gerîlatîya xo ya verênî zî tîya keno. 2010 de dezayê ci Kurtay Rodî Wan- Necatî Guneşo ke pîya tewrê sefanê gerîlayan bîyî, şehîd beno. No hêrsê ey yê vera dişmenî zêdîneno. Seba ke qesasê şehîdan bîgero, cehd keno xo her hetî ra aver bêro. Verê xo dano qiblegehê gerîlayan Botanî û rixmo ke tîya newe yo bi tewrbîyayîşê bêhesabî, bi hewayêkê qerardarî têkoşîn keno û zerrîya heme embazanê xo de ca geno. Hemrayê ma Şahîn gama ke Gaber de serê wezîfeyê xo de bi, 6ê adara 2013yî hetê ajanêkî ra, netîceya komployî de şehîd beno. Hemrayê ma Şahîn bi qerardarîye û tewrbîyayîşê xo yê bêhesabî semedê ma hemrayanê xo bi  ninûneyêka gird a mîlîtanîya Apoyî. Ma soz danê ke ma do xeyalanê şehîdanê xo bîyarê ca.''