Merkezê Îrtîbatî û Çapmenîye yê HPGyî (HPG-BÎM) hîrê gerîlayê ke kanûna 2016î de Herêmanê Pawitişî yê Medya de şehîd bîyî yad kerdî. Eşkerayîye wina ya:

''28ê kanûna 2016î de hêrişanê artêşa tirke ya îşxalkere yê vera Herêmanê Pawitişî yê Medya de embazanê ma Mazdek Aram û Botanî heta nefesê xo yê peyênî bi çêrî şer kerd, waştişê azadîye û bawerîya serkewtişî ra tawîz nêda û şehîd bîyî.

Ma nê embazanê ke seba cuya rûmetêne têkoşîno bêeman kerd û şehîd bîyî serrgêra şehadetê înan de bi rêzdarî yad kenê. Ma reyna soz danê ke qetî xeyalanê înan ê 'Rayberîya Azade û Kurdîstanê Azadî' bîyarê ca.

Nasnameyê embazanê ma yê şehîdan wina yê:

Nameyê Qodî: Mazdek Kurdistan Name û Peyname: Ramîn Zendpûr Cayê Bîyayîşî: Sine Maye-Pî: Şehnaze-Sedîq Tarîx û Cayê Şehadetî: 28ê Kanûna 2016î /Herêmê Pawitişî yê Medya

Nameyê Qodî: Aram Rênas Name û Peyname: Nayîf Elmas Cayê Bîyayîşî: Mêrdîn Maye-Pî: Cemîle-Mehmet Mahsûm Tarîx û Cayê Şehadetî: 28ê Kanûna 2016î /Herêmê Pawitişî yê Medya

Nameyê Qodî: Botan Gever Name û Peyname: Hamza Salîm Cayê Bîyayîşî: Colemêrg Maye-Pî: Zumrute-Tahîr Tarîx û Cayê Şehadetî: 28ê Kanûna 2016î /Herêmê Pawitişî yê Medya

Embaz Mazdek Sine de dadîya xo ra bîyo. Embaz Mazdek vera hêrişanê îşxalî 2012 de tewrê gerîlayan bi. Embaz Mazdekî xeylêk waran de gerîlatîye tecrube kerde û bi fermandarêko marîfetîn ê dewrê neweyî. Embaz Mazdekî wextê hêrişanê DAÎŞî yê vera Şingalî de çeka xo girewte destî û hetê şarê êzidîyan de şer kerd. Embaz Mazdekî tim xo rê kerd esas ke şer û cuye de tewr vernî de ca bigêro. O pê kesayetê xo yê zerrînizmî û kedkarî bi mazharê heskerdişê embazanê xo. Embaz Mazdekî yewîya neteweyîye kerde binge û seba azadîya welatî şer kerd.

Embaz Aram Mêrdîn de dadîya xo ra bîyo. Embaz Aramî cigêrayîşanê xo ra dima serra 2014î de verê xo da koyanê Kurdîstanî. Embaz Aramî xo hem warê îdeolojîkî de hem zî warê leşkerîye de xo aver berd û bi gerîlayêko marîfetin. Embaz Aram pê tempo, aktîfî û milîtanîya xo bi mazharê hûrmetê embazanê xo. Embaz Aram tim xeta Partîye de şi û bêteredut têkoşîn kerd. Rayraşîyayîşê ey o qerardar do tim vernîya Gerîlayanê Azadîye roşnî bikero.

Embaz Botan Colemêrg de dadîya xo ra bîyo. Embaz Botanî wextê hêrişanê îşxalî yê giranan de serra 2015î de bire daye ke tewrê gerîlayan bibo. Embaz Botanî rixmê ciwanîya xo zî wextêkê kilmî de bi hawayêkê girîngî xo aver berd. O pê coş û semîmîyetê xo her warî de bi mazharê heskerdişê embazanê xo. Ey tim xîret kerd ke xeta Rayberîye pêro waran de aver bero û tim tecrubeyê xo zî embazanê xo de vila kerdî. Embaz Botanî Zap de mîrasêko şorişgêr verda ke no mîras tim do mîyanê têkoşînê ma de biciwîyo.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''