Merkezê Îrtîbatî û Çapemenîye yê HPGyî nasnameyê di gerîlayanê ke Mêrdîn de şehîd bîyî eşkera kerdî. Eşkerayîye wina ya:

''22ê teşrîna verêne ya 2021î de warê Omeryanî yê Mêrdînî de nêzdîyê dewa Qûrdisî de operasyonê artêşa tirke ya îşxalkere de mabênê hêzanê ma û leşkeranê dişmenî de pêkewtişê giranî qewimîyayî. Nê pêkewtişan de embazanê ma Şoreş û Îsyane heta nefesê xo yê peyênî bi çêrî û fedayîtî xo ver da û şehîd bîyî.

Nasnameyê embazanê ma yê şehîdan wina yo:

Nameyê Qodî: Şoreş Amed Name û Peyname: Ahmet Koç Cayê Bîyayîşî: Bismil Maye-Pî: Fatma – Mehmet Saît Tarîx û Cayê Şehadetî: 22ê Teşrîna Verêne ya 2021î / Mêrdîn

Nameyê Qodî: Îsyane Tolhildan Name û Peyname: Songule Ozgun Cayê Bîyayîşî: Amed Maye-Pî: Mekkîye – Huseyîn Tarîx û Cayê Şehadetî: 22ê Teşrîna Verêne ya 2021î / Mêrdîn

Embaz Şoreş Bismil de dadîya xo ra bîyo la keyeyê ci 1994 de tedaya dewlete ra koçê metropolanê Tirkîya kerd. Embaz Şoreşî 2001 de xeyalê xo yo pîl ard ca û Bagokî ra tewrê gerîlayan bi. Embaz Şoreş tewrê Hêzanê Taybetan zî bi û 2005 de semedê çalakîkerdişî derbazê Îstanbulî bi. La uca de tepişîya û erzîya zîndanî. Embaz Şoreş dima de 2014 de zîndanî ra vejîya reyna verê xo da koyanê Kurdîstanî û reyna mîyanê Hêzanê Taybetan de ca girewt. Embaz Şoreşî tim xo rê serfîrazîye esas kerde û kesayetê xo wina awan kerd. Ey sey kadroyêkê fedayî tim proses raşt wend û rayberîya çalakîyan ê serkewteyan kerde. Embaz Şoreşî wezîfeyê fermandarîye zî girewt xo mil û bi fermandaro qerardar û xurt ê Gerîlatîya Modernîteya Demokratîke.

Embaze Îsyane keyeyêkê mêrdînijî de Amed de dadîya xo ra bîya. Embaze Îsyane netîceya cigêrayîşanê xo de 2010 de tewra gerîlayan bîye. Aye xo rê esas kerd ke felsefeya Rayberîye de xorin biba û kesayetê cinîya  azade de na felsefe bida dewamkerdene. Embaze Îsyane bi nê kesayetê xo mîyanê Hêzanê Taybetan de zî ca girewt, mîsyonê fedayîtîye girewt xo milî û rayraşîyayîşê şorişî kerd pîlêr. Embaze Îsyane wextê şerê giranî de 2016 de warê Vakurî ra derbazê eyaletê Mêrdînî bi. Aye tim cuya fedayîye xo rê kerde esas û nameyê xo rîpelanê tarîxî ser de nuşt.

Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. Ma sozê xo dibare kenê ke xeyalê cuya azade û welatê azadî yê şehîdanê xo bîyarê ca.''