Merkezê Îrtîbatî û Çapemenîye yê HPGyî nasnameyê 2 gerîlayanê ke Gabar de 14ê teşrîna verêne de bombardumanê artêşa tirke de şehîd bîyî eşkera kerdî. Eşkerayîye wina ya:

''Dewleta tirke ya îşxalkere 14ê teşrîna verêne ya 2021î de herêma Gabarî de operasyonêk dabi destpêkerdene. Nê operasyonî de embazê ma Amed û Agîd ê ke semedo ke derban bidê dişmenî ro cigêrayîşî kerdêne 15ê teşrîna verêne ya 2021î de bombardumanê artêşa tirke de şehîd bîyî.

Nasnameyê embazanê ma yê şehîdan wina yê:

Nameyê Qodî: Amed Firat Farqîn Name û Peyname: Firat Gîzlenç Cayê Bîyayîşî: Amed Maye-Pî: Pakîze – Emîn Tarîx û Cayê Şehadetî: 15ê teşrîna verêne ya 2021î /Gabar

Nameyê Qodî: Agît Firat Name û Peyname: Agît Çakmaz Cayê Bîyayîşî: Nisêbîn Maye-Pî: Gulê – Mehmet Şerîf Tarîx û Cayê Şehadetî: 15ê teşrîna verêne ya 2021î /Gabar

Embaz Amed qezaya Farqînî ya Amedî de dadîya xo ra bîyo. Embaz Amed pê tesîrê şehadetê xalê xo xebatanê ciwanan de ca girewt û 2014 de hetê dewleta tirke ya kolonyalîste ra tepişîya. Embaz Amedî bi nê hawayî bire daye ke têkoşîn berz bikero coka 2014 de Botan de tewrê gerîlayan bi. Embaz Amedî Botan de perwerde dî û bi gerîlayêko marîfetin. Embaz Amedî her cayê Gabarî de kede daye û wextêk zî fermandarîye kerde. 2018 de semedo ke derbazê Herêmanê Pawitişî yê Medya bibo û tecrubeyanê xo embazanê xo reyde pare bikero akademîya leşkerîye de perwerde dî. Embaz Amedî dima verê xo da Vakur û sey fermandarêkî agêra Gabar. 15ê teşrîna verêne ya 2021î de wexto ke embaz Amed vera operasyonê îşxalkeran têgêrayêne netîceya bombardumanî de şehîd bi.

Embaz Agît Firat Nisêbîn de dadîya xo ra bîyo. Embaz Agît wextê zanîngehê Harranî de pê hesîya ke zanîngehê merkezê asîmîlasyonî yê û tewrê xebatanê ciwanan bi. Ey dima ke xeta Apogîre de perwerde dî Newroza 2014î de tewrê gerîlayan bi. Embaz Agît zaf binê tesîrê embazîya gerîlayan de mend û cuya kolektîfe ci rê bîye kerraya mîhenge. Ey tim xo rê milîtanîya Apogîre esas kerde û sere de Garê, Zap, Cîlo xeylêk waranê Herêmanê Pawitişî yê Medya de têkoşîn kerd. Ey xeylêk çalakîyanê serkewteyan de ca girewt û warê Vakurî de  rolê fermandarîye girewt xo mil. O sey Fermandarê Efsanewîyî Agît koyê Gabarî de bi yew û tim kerd ke bibo layîqê ney. Embaz Agît 15ê teşrîna verêne ya 2021î de embaz Amed Firat Farqîn reyde şehîd bi.

Sere de keyeyanê ercîyayeyan ê embazanê xo rê ma pêro şarê welatperwerî yê Kurdîstanî rê serweşîye wazenê. Têkoşînê embaz Agît û Amedî yo ke Gabar de xeta Fermandar Agîtî temsîl kerde, do bibo sebebê ma yê serfîrazîye û vîrameyîşê înan qetî Kurdîstanê Azadî de do bêrê pawitene.''