Merkezê Îrtîbatî û Çapemenîye yê HPGyî nasnameyê di gerîlayanê şehîdan eşkera kerdî. Eşkerayîye wina ya:

''24ê teşrîna verêne ya 2021î de warê Qaşûra yê Metîna de embazê ma Bextîyar û Xebat wexto ke serê wezîfeyê xo de bîyî bombardumanê artêşa tirke ya îşxalkere de şehîd bîyî. Embazê ma Bextîyar û Xebat wayîrê hişmendîya erkanê nê dewrî bîyî, bi nê hawayî tewrê têkoşînî bîyî. Embazê ma Baxtîyar û Xebat sey milîtananê mîsalan ê Gerîlatîya Modernîteya Demokratîke tim mîyanê têkoşînê ma de biciwîyê.

Nasnameyê embazanê ma yê şehîdan wina yê:

Nameyê Qodî: Baxtîyar Dijwar Name û Peyname: Serhat Tekîn Cayê Bîyayîşî: Şirnex Maye-Pî: Hasîbe – Murat Tarîx û Cayê Şehadetî: 24ê Teşrîna Verêne ya 2021î / Metîna

Nameyê Qodî: Xebat Hîmo Name û Peyname: Rewan Ahmet Osman Cayê Bîyayîşî: Qamişlo Maye-Pî: Cewahîre– Ahmet Osman Tarîx û Cayê Şehadetî: 24ê Teşrîna Verêne ya 2021î / Metîna

Embaz Baxtîyar Hezex de dadîya xo ra bîyo. Embaz Baxtîyar 2013 de tewrê gerîlayan bi ke erk û wezîfeyanê xo verê şarê xo de bîyaro ca. Embaz Baxtîyar pê coş û şayîya pîle cade cuya gerîlayan musaye. Ey giranîye daye perwerde, tim xîret kerd ke xo aver bero. Embaz Baxtîyarî dima pê marîfetê xo asta fermandarîye de têkoşîn kerd û bi gerîlayêko marîfetîn. Ey tim wezîfeyê xo bêkêmasî ardî ca. Pê na taybetmendîya xo ey xeylêk çalakîyanê serkewteyan de ca girewt, bi mazharê bawerîye embazanê xo. Embaz Baxtîyar hetê bînî ra pê fedakarî, tewrbîyayîş, sadetî û embazîya xo bi mazharê heskerdişê embazanê xo. O do tim rayberîya embazanê xo rê dewam bikero.

Embaz Xebat Qamişlo de dadîya xo ra bîyo. Ey Şorişê Rojawanî ra dima waşt ke gerîlayan û Rayber Apoyî nêzdî ra bişinasno coka o 2011 de bi nê hawayî gerîlayan bi. Embaz Xebat pê tewrbîyayîşê gerîlayan kokê xo de bi yew. Birayê embaz Xebatî zî wextê Şorişê Rojawanî de şehîd bibi. Ey seba ke qesasê birayê xo bigêro her hetî ra xo perwerde kerd. Bi nê hawayî embaz Xebat bi gerîlayêko marîfetîn. Ey pêro mesuldarîyê xo tim ardî ca. Embaz Xebatî wezîfeyê fermandarîye zî girewt xo ser. Ey tewr peyên herêma Metîna de pê tewrbîyayîşê xo yê fedakar û samîmî ca girewt û bi şehîd.

Embaz Baxtîyar û embaz Xebatî seba armancê 'Kurdîstanê Azadî, Rayberîya Azadî' têkoşîn kerd û şehîd bîyî. Ma sere de keyeyanê ercîyayeyan ê embaz Baxtîyar û Xebatî rê pêro şarê welatperwerî yê Kurdîstanî rê serweşîye wazenê.''