Merkezê Îrtîbatî û Çapemenîye yê HPGyî bi eşkerayîyêke nasnameyê di gerîlayan û welatperwerêk eşkera kerdî. Eşkerayîye wina ya:

''27ê teşrîna peyêne ya 2019î de embazê ma Sîpan û Leheng û welatperwero erjîyaye Darius warê Dambatî de hetê hêzanê îşxalkeran ra dafikêke de ameyî şehîdkerdene.

Nasnameyê embazanê ma yê şehîdan wina yê:

Embaz Sîpan qezaya Farqînî ya Amedî de dadîya xo ra bîyo. Embaz Sîpanî verî xebatanê ciwanan de ca girewt û serra 2015î de verê xo da koyanê Kurdîstanî.  Embaz Sîpan wextêkê kilmî de partîye reyde bi yew, hêrs û kînê xo yê vera dişmenî şer de mojna û pêro wezîfeyê xo bi serkewtişî ardî ca. Embaz Sîpan wextêkê kilmî de bi milîtanêko rayber, xo warê leşkerî de aver berd û sey fermandarêkî şer pratîze kerd. Embaz Sîpano ke serra ciwane de şehîd bîyo tim do mîyanê têkoşînê ma de biciwîyo.

Embaz Leheng şaristanê Makuyî yê Rojhelatê Kurdîstanî de dadîya xo ra bîyo. Embaz Lehengî mîyanê keyeyê xo yê şorişgêrî de tim xo aver berd û 2019 de bire daye ke tewrê gerîlayan bibo. Embaz Lehengî tim xîret kerd ke îşxalkeran erdê Kurdîstanî ra vejo û bi nê armancî têgêra. O tim heqê pêro zehmetîyan ra ame. Embaz Leheng wextêkê kilmî de bi wayîrê pratîkî û milîtanêko serkewte. Embaz Lehengo ke pê tewir û kesayetê xo bi mazharê heskerdişê embazanê xo tim do mîyanê têkoşînî de verê embazanê xo roşnî bikero.

Embaz Dariusî zerrî viste Têkoşînê Azadîya Kurdîstanî û sey welatperwerêkî tim mîyanê xebatanê şorişî de ca girewt. Rixmê şert û mercanê zehmetan zî ey her firsendî de kede daye têkoşînî û key hewce bi bedelî zî dayî. Embaz Dariusî xeta milîtanîye asta tewr berze de arde ca. Ey pê pratîkê xo mojna ke ganî ruhê tewrbîyayîşî yê nê dewrî senî bo.

Embaz Sîpan, Leheng û Darius serrgêra ronayîşê partîya şehîdan PKKyî de bi hawayêkê namerdî ameyî şehîdkerdene. Ma sere de keyeyanê înan ê erjîyayeyan rê, pêro şarê welatperwerî yê Kurdîstanî rê serweşîye wazenê. Ma soz danê ke pê tacîdarkerdişê têkoşînê azadîye şehîdanê xo bidê ciwîyayene.''