HPGyî nasnameyê 3 şehîdan eşkera kerdî
HPGyî da zanayene ke gerîlayê bi nameyê Herdem, Îsyan û Fedakarî wextanê cîya cîyayan de şehîd bîyî û vat: ''Ma ancî soz danê ke xeta xoverdayîşî ya embazanê xo pê serfîrazîye tacîdar bikerê.''
Merkezê Îrtîbatî û Çapemenîye yê HPGyî nasnameyê 3 gerîlayanê ke Botan û Dêrsim de şehîd bîyî eşkera kerdî. Eşkerayîye wina ya:
''Menga teşrîna verêne de bombardumananê giranan ê dewleta tirke ya îşxalkere de herêma Botanî de fermandarê ma yo ercîyaye û raybero fedayî yê şarê ma embaz Herdem şehîd bi. Nasnameyê embaz Herdemî wina yo:
|
|
Nameyê Qodî: Herdem Aras Name û Peyname: Veysel Akkuş Cayê Bîyayîşî: Amed Maye-Pî: Şefîka – Veysî Tarîx û Cayê Şehadetî: Teşrîna Verêne ya 2021î / Botan |
Embaz Herdem qezaya xoverdayîşî Licê ya Amedî de dadîya xo ra bîyo. Embaz Herdemî hema domanîya xo de partîya ma şinasnaye û bi sempatîzanê ci. Ey bi taybetî eleqe mojna têkoşînê gerîlayan. Embaz Herdem 2004 de seba ke xeyalanê xo bîyaro ca tewrê gerîlayan bi. Embaz Herdemî perwerdeyî ra dima îdeolojîya Rayberîye de xo aver berd. Embaz Herdem çareçwa Hemleya 1ê Hezîrane de derbazê Vakurê Kurdîstanî bi û bi serran nê warî de têkoşîn kerd. Ey xeylêk çalakîyanê serkewteyan de rayberîye kerde û pêro mesuldarîyê xo ardî ca. Embaz Herdem vengdayîşê Rayberîye ser o 2013 de mîyanê komêke de ca girewt ke agêraybî Başûrê Kurdîstanî. Embaz Herdemî wextê hêrişanê DAÎŞî de Kerkûk û Mexmûr de şer kerd. Binkewtişê DAÎŞî ra dima embaz Herdem agêra koyanê Kurdîstanî û sey fermandarê eyaletî derbazê Vakurê Kurdîstanî bi. Embaz Herdemî pê tecrubeyê xo bi fedakarî têkoşîn kerd û tim serkewtişî rê bawer kerd. Embaz Herdem pê ked û fedakarîya xo tim do têkoşînê ma rê rayberîye bikero.
7ê gulana 2021î de waranê Yasak Mintika û Gelîya Salî yê Dêrsimî de operasyonê artêşa tirke ya îşxalkere de embazê ma Îsyanî heta guleyê xo yê peyênî vera dişmenî şer kerd û seba ke nêkewo destê dişmenî xo ser de bomba teqnaye, bi şehîd. Embaz Îsyano ke milîtnao marîfetin yê şarê ma bi, nasnameyê ci dima wexto ke bêro eşkerakerdene do bêro parekerdene. 16ê tebaxa 2021î de embazê ma Fedakar Amed bombardumanê artêşa tirke ya îşxalkere de warê dewa Derekoyî ya qezaya Xozatî ya Dêrsimî de şehîd bi. Nasnameyê embazanê ma yê şehîdan wina yê:
|
|
Nameyê Qodî: Îsyan Name û Peyname: Cayê Bîyayîşî: Maye-Pî: Tarîx û Cayê Şehadetî: 7ê Gulana 2021î / Dêrsim |
|
|
Nameyê Qodî: Fedakar Amed Name û Peyname: Mehmet Şexmus Talmaç Cayê Bîyayîşî: Amed Maye-Pî: Ahmet – Semra Tarîx û Cayê Şehadetî: 16ê Tebaxa 2021î / Dêrsim |
Sere de keyeyanê ercîyayeyan ê embazanê ma rê ma pêro şarê welatperwerî yê Kurdîstanî rê serweşîye wazenê. Ma ancî soz danê ke xeta xoverdayîşî ya embazanê xo pê serfîrazîye tacîdar bikerê.''
Hêrişê Hewayî
15ê kanûne de artêşa tirke ya îşxalkere warê Kafya yê Garê, dewa Şikefteyan ê Çêmanka, dewa Bilmendî ya Dînartê, warê Çemçoyî yê Zapî dayî bombayan ver. Nê hêrişan de zerarêk nêresa hêzanê ma ser.''
