Merkezê Îrtîbatî û Çapemenîye yê HPGyî nasnameyê 3 gerîlayanê ke warê Metîna yê Başûrê Kurdîstanî de şehîd bîyê eşkera kerdî.

Eşkerayîya HPGyî wina ya:

''27ê êlula 2021î de netîceya bombardumanê artêşa tirke ya îşxalkere de Serhat Rojava (Abdurrahîm Hîşam), Şerzan Aydin (Ahmet Akyol) û Gelhat Koyî (Ercan Yildiz) şehîd bîyî.

Embaz Serhat şaristanê Hesekê yê Rojawanî de dadîya xo ra bîyo. Şorişê Rojawanî de embaz Serhat tewrê şorişî bi. O şerê Serêkanîyê de vera El Nûsra birîndar bi la têkoşînî rê dewam kerd. Embaz Serhatî dima zî verê xo da koyanê Kurdîstanî û bi gerîla. Embaz Sergatî tim xîret kerd ke xo aver bero. Embaz Serhatî cuya gerîlatîye ya 6 serran de xeylêk wezîfeyî kerdî, mîsyonê girîngî ardî ca. Ey Metîna de şerê verê dişmenî de pêro hunerê xo pêşkêş kerd. Embaz Serhat sey çêrê bêmergî yê Hemleya Şorişgêre ya Cengê Xabûrî nameyê xo tarîxê Kurdîstanî de nuşt.

Embaz Şerzan Mêrdin de dadîya xo ra bîyo. O zanîngeh de tewrê xebatanê ciwanan bi. O wextêk erzîya zîndanê dişmenî zî.Dima ke zîndanî ra vejîya embaz Şerzan 2014 de tewrê gerîlayan bi. Embaz Şerzanî waranê Garê, Xinêr û Qendîlî de gerîlatîye kerde. Ey tim kedkarî û fedakarîya xo mojnaye. Perwerdeyêkê xorinî ra dima o derbazê Metîna bi. Embaz Şerzanî Metîna de rayberîya xeylêk çalakîyan ê serkewteyan kerde. Embaz Şerzan pê kesayetê xo yê fedakarî, kedkarî û pê hêrsê xo yê qesasî pêro embazanê xo rê bi mîsal.

Embaz Gelhat mîyanê eşîra Goyî de dadîya xo ra bîyo. Embaz Gelhatî dima ke gerîlayî şinasnayî, rayîrê înan ra şi û tewrê gerîlayan bi. Ey tim xo rê îdolojîya apogîre û kulturê apogîran kerde esas û bi nê hawayî xo aver berd. Embaz Gelhatî pê kesayetê xo tim bawerîye daye embazanê xo. Ey tim xîret kerd ke bibo layîqê şehîdan û rayber Apoyî. Ey xeylêk waranê krîtîkan de wezîfeyê girîngî ardî ca. Embaz Gelhat pê têkoşînê xo û kesayetê xo bi mazharê heskerdişê embazanê xo. Ey tim xo wezîfe ra amade kerd û bi milîtanêko mîsal ê Apogîran.

Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. Ma reyna soz danê ke do qetî xeyalê şehîdanê xo bîyarê ca.''