Merkezê Îrtîbatî û Çepemenîye yê HPGyî bi eşkerayîyêke nasnameyê çar gerîlayanê ke Herêmê Pawitişî yê Medya de şehîd bîyî eşkera kerdî û nê pare kerdî:

''Bombardûmanê artêşa tirke yê vera Herêmanê Pawitişî yê Medya yê tebaxa 2019î de hemrayê ma Avşîne, Agît, Rûbar û Gîvara tewrê kerwanê şehîdan bîyî.

Nasnameyê hemrayanê ma yê ke şehîd bîyî wina yê:

Nameyê Qodî: Avşîne Serdem Name û Peyname: Emîne Akdogan Cayê Bîyayîşî: Şirnex Maye-Pî: Kamere - Haîl Tarîx û Cayê Şehadetî: 9ê Tebax a 2019î / Herêmê Pawitişî yê Medya

Nameyê Qodî: Agît Botan Name û Peyname: Omer Karanfîl Cayê Bîyayîşî: Sêrt Maye-Pî: Suphîye - Aydin Tarîx û Cayê Şehadetî: 9ê Tebax a 2019î / Herêmê Pawitişî yê Medya

Nameyê Qodî: Rûbar Amed Name û Peyname: Mehmet Can Talay Cayê Bîyayîşî: Amed Maye-Pî: Încî - Mahmut Tarîx û Cayê Şehadetî: 9ê Tebaxa 2019î / Herêmê Pawitişî yê Medya

Nameyê Qodî: Gîvara Kurdan Name û Peyname: Hewbeş Omer Cayê Bîyayîşî: Pêncewîn Maye-Pî: Azîme – Omer Macîd Tarîx û Cayê Şehadetî: 9ê Tebaxa 2019î / Herêmê Pawitişî yê Medya

Hemraya ma Avşîne keyeyêko welatperwer ê qezaya Elkê ya Şirnexî de ameya dinya û bi  kulturê welatperwerîye bîya pîl. Wexto ke unîversîte wendêne tewrê karanê ciwanîya bîya û falîyetan rê serkêşîye kerda. 2016 de xeyalê xo ardî ca û tewrê sefanê gerîlayan bîya.  Roja tewrbîyayîşî ra rayîrê azadîye de gamê mehkemî eştî. Bi îdeolojîya cinîya azade xo perwerde kerd û aver berrde. Eynî wextî de semedê perwerdekerdişê embazanê xo zî eleqedar bîye. Embaza Avşîna ke hetê embazanê xo ra zaf ameyêne heskerdene do tim ma hemrayanê xo rê serkêşîye bikero.

Hemrayê ma Agît keyeyêko welatperwer ê Sêrtî de ameyo dinya û  metropolan de bîyo pîl. Hemrayê ma Agît çirey raştîya xo ra dûrî nêkewto û tim erjcanê xo yê kurdîtîye rê grêdaye mendo. Metropolanê Tirkîya de dişmenîya dewlete ya vera kurdan hina rind fehm kerda û qerarê têkoşînî girewto. Seba ke têkoşîno tewr bitesîr bikero verê xo dayo sefanê gerîlayan û dewrê kilmî de bîyo gerîlayêko serkewte.

Hemrayê ma Rûbar qezaya Erxenî ya Amedî yo ke sey qelaya xoverdayîş yeno naskerdene de  ameyo dinya. Seba ke dormeyê ci welatperwer bi Têkoşînê Azadîye yê Kurdîstanî nêzdî ra nas kerd û zext û zilmê dişmenî rê zî  şahîdîye kerde. Coka domanîya ro vera dişmenî tim hersbîyaye bi. Demê unîversîte de polîtîkayê qirkerdişî yê dewlete dahîna nêzdî ra dîyî û seba ke şar û erdê xo bipawo verê xo dayo koyanê azadan. Hemrayê ma Rûbar seba ke bibo fedayîyo erjaye yê şarê xo tewrê rêxistinbîyayîşê Hêzanê Taybetan bi û bi mîlîtanêko fedayî.

Hemrayê ma Gîvara bajarê Pencewînî yê Başûrê Kurdîstanî de ameyo dinya. Hemrayê ma Gîvara bi kulturê xoverdayîş û welatperwerî yê keyeyê xo bîyo pîl. Domanîya xo ra cigêrayoxê azadîye bi. Çirey peyê xoserîya sexteye de nêşi. Bado ke PKK û Raber Apoyî nas kerdî bîyo sempatîzanê partîya ma. Başûr de tay falîyetê rayra berdî û dima ra 2018 de tewrê sefanê gerîlayan bîyo. Hemrayê ma Gîvara xo lezabez aver berd û bi nimûneyê yewîya neteweyîye ya şarê ma.

Sere de  keyeyê erjayeyî yê hemreyanê ma Avşîne, Agît, Rûbar, Gîvara ma heme şarê welatperwerî yê Kurdîstanî rê serweşîye wazenê û sozê xo yê serkewtişî newe kenê.''