Merkezê Îrtîbatî û Çapemenîye yê HPGyî nasnameyê 4 gerîlayanê ke şehîd bîyî, eşkera kerdî û nê çîyî vatî: 

''Serra 2022î de Vakurê Kurdîstanî ra xoverdayîşê ma bî sey destanêkî. Gerîlayê Azadîye yê Kurdîstanî yê ke sîyasetê şerê taybetî yê dişmenî pûç kerd û hêvîya azadîye ya şarê ganî tepişenê, pê çalakîyanê xo derbeyê girdî dayî artêşa tirke ya îşxalkere ro.Vera her tewir hêrîşanê dişmenî gerîlayanê ma xover da Mersînî ra heta Botanî, Serhedî ra heta Garzan û Amedî her cayan de vera dişmenî xover da. Nê xoverdayîşê destankî de  warê Garzanî de hemrayê ma Gabar û Nûman, herêma Wanî de embaz Berxwedan û herêma Besta de zî Hemrayê ma Sîpanî bi ruhê fedayîye şer kerd û şehîd bîyî.

Sere de keyeyanê erjîyayeyan ê hemrayanê ma Gabar, Nûman, Berxwedan û Sîpanî rê û heme şarê welatperwerî yê Kurdîstanî rê serweşî wazenê û reyna soz danê ke ma do têkoşînê embazanê xo yê şehîdan bi serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Gabar Demhat Name û Peyname: Kemal Boral Cayê Bîyayîşî: Batman Maye-Pî:  Vecîde – Aydin Tarîx û Cayê Şehadetî:  8ê Tebaxe ya 2022yî / Garzan

 

Nameyê Qodî: Nûman Timoq Name û Peyname: Ugur Acet Cayê Bîyayîşî: Îstanbul Maye-Pî:  Sevgî – Îsmaîl Tarîx û Cayê Şehadetî:  20ê Teşrîna verên a 2022yî / Garzan

 

Nameyê Qodî: Berxwedan Qoser Name û Peyname: Yakup Aba Cayê Bîyayîşî: Mêrdîn Maye-Pî:  Edla – Memduh Tarîx û Cayê Şehadetî:  28ê Tebaxe  ya 2022yî / Wan

 

Nameyê Qodî: Sîpan Kato Name û Peyname: Mihemed Ehmed Cayê Bîyayîşî: Hesekê Maye-Pî:  Şirin – Ahmed Seîd Tarîx û Cayê Şehadetî:  30ê Eylule ya 2022yî / Besta

 

Gabar Demhat

Hemrayê ma Gabar Batman de keyeyêkê welatperwerî de yeno dinya û bi kulturê welatperwerîye pîl beno. Hema gedetîya xo ra Rayber Apo û têgêrayîşî şinasneno û bi hîkeyayanê gerîlayan pîl beno û ciwanîya xo de xebatanê ciwanîye de ca gêno partîya ma nêzdî ra şinasneno. Demêko derg bajaran ra vera hêrîşê dewlete xover dano serra 2013î de Batman de beşdarê gerîlayan beno. 

Perwerdeyê gerîlatîyan rê xerîb nêbeno û demêkê zaf kilmî de museno û demêkî warê Garê de pratîkî ra dima şino warê Qendîlî. Demêko derg Qendîl de bi hewayêko serkewte xebatanê gerîlayan de ca gêno û beno fermandar û agêreno waranê Garzanî. Ma hemrayanê xo rê, mîrasêko xurt verdano û beşdarê karwanê şehîdan beno.

Numan Timoq

Hemrayê ma Nûman sey yew ferdê eşîra Timoq a xoverdayoxe Îstanbul de yeno dinya. Seba ke derûverê ey welatperwer benê, zaf rew partîya ma şinasneno. Welatî ra dûrî pîl bibo zî qet kurdbîyayîşê xo xo vîr ra nêkeno. Hiş û xeyalê ey her tim gerîlayan ser o beno. Sey her ciwanê welatperwerî beşdarê xebatanê ciwanîye beno û demêk uca de xebatan de ca gêno. Beno wesîle ke ciwanê ke sey ey welatî ra dûrî yê, beşdarê PKKyî bibê û o zî serra 2015î de vera xo dano koyanê Kurdîstanî û beşdarê gerîlayan beno. 

Bi demêkê kilmî de banderê cuya koyî beno û perwerdeyanê xo, seba ke zilmê dewlete nêzdî ra şinasnayo û bihêrs o, bi hewayêko serkewte temam keno. Xo hetê suîkastî ra aver beno û taktîrê heme hemrayanê xo gêno û nê warî de xeylê embazan perwerde keno. 20ê teşrîna verêne 2022î de warê Çatlak ê Wanî ra vera hêrîşanê dişmenî heta peynîya hilmê xo şer keno û şehîd beno. 

Berxwedan Qoser

Hemrayê ma Berxwedan qezaya Qoserî ya Mêrdînî de yeno dinya û keyeyê xo ra perwerdeyê welatperwerîye gêno. Seba ke keyeyê ey welatperwer o û girêdayeyê partî yo, o zî hema şenikîya xo ra partî şinasneno û bi ê kulturî pîl beno. Çend ke wext vîyareno hemrayê ma nê zanayîşanê xo xo rê keno îlkeyêk û dano xo ver. Ê deman de polîkîtîkayê ke dewleta tirke kurdan ser o kena, hemrayê ma Berxwedan ferq keno û zerrîya xo de sey hêrsêkê girdî pîl keno. Nê hersê xo, xo rê keno binge û qerar dano ke beşdarê PKKyî bibo. Serra 2015î de beşdarê PKKyî beno.

Embazê ma Berxwedan Seba ke perwerde bigîro şino warê Metîna û demêkê kilmekî de banderê cuya koyî beno bi hewayêko serkewte perwerdeyê xo gêno. Hemrayê ma Berxwedan xeylê cayan ra xeylê wezîfeyan gêno. 20 tebaxe 2022î de Gelîyê Îdîlî yê Wanî de vera operasyonê dişmenî bi ruhe fedayîye şer keno û şehîd beno.

Sîpan Kato

 Hemrayê Ma Sîpan zî Rojawanê Kurdîstanî de keyeyêkê welatperwerî de yeno dinya. Bi Şorişê Azadî yê Rojawanî Têgêrayîşê Kurdîstanî şinasneno. Zaf tesîrê ci de maneno. Di birayanê xo ra dima o zî beşdarê Têgêrayîşê Kurdîstanî beno. Serra 2015î de beşdarê mewzîyanê xoverdayîşî beno ke ê wextan de hêrîşî vera Şorişê Azadî yê Rojawanî zaf bîyî. Hemrayê ma bê teredut her çalakîye û şerî de ca girewt û bi ruhê fedayîye 30ê eylule 2022î operasyonê dişmenî yê warê Besta de heta peynîya hilmê xo şer kerd û şehîd bî.''