Merkezê Îrtîbatî û Çapemenîye yê HPGyî bi eşkerayîyêke nasnameyê di gerîlayan eşkera kerde û nê pare kerdî:

''Çeleyê 2017 de hêrişê artêşa tirke yê vera warê Amanosî de hemrayê ma Bahoz şehîd bi. Hemrayê ma Bahozo ke bi tewirê xo yê fedayîyî yê vera dişmenî û qerararîya xo ya îdeolojîya APOyî bi fermandarêko ninûne ma serrgêra şehadetê ci de bihurmet ya kenê.

Nasnameyê embazê ma Bahozî wina yo:

Hemrayê Bahozo ke Êlih de ameyo dinya domanîya xo ra wehşetê dewleta tirke rê şahîdîye kerda. Keyeyê ci rîyê zextê dişmenî ra Kurdîstanî ra bar kerdo û la çirey ercanê kurdan ranêqilîyayo. Hemrayê ma Bahozî vera heme caardişanê asîmîlasyon û qirkerdişî xo pawito. Bado ke partîya ma semedê tewrbîyayîşê ciwananê kurdan veng da, 2010 de tewrê sefanê gerîlayan bîyo. Hemrayê ma Bahozo ke wextêkî dergî ra dima sey gerîlayê azadîye agêra Kurdsîtan, cade mûsa cuye newî û demê kilmî de bi fermendarêko serkewte. Seba ke waştişanê şarê xo rê bibo cewab keda pîle daye. Perwerde semedê ci zaf muhîm bi, hunerê leşkerî de semedê pîsporbîyayîşî de xo aver berd û waşt şirê Vakurê Kurdîstanî. Hemrayê ma Bahozo ke 2016 de şi warê Amanosî û vera operasyonanê artêşa tirke de sey serkêşî rol kay kerd, xeylêk çalakîyan de vernî de cayê xo girewt.

Çeleyê 2017î de operasyonê artêşa tirke yê vera warê Amedî de hemrayê ma Cesur yo ke heta nefesê xo yê peyênî vera dişmenî şer kerd tewrê kerwanê şehîdan bi. Hemrayê ma Cesurê ke heta peynî sey xoverdayoxê Botanî şer kerd ma serrgêra şehadetê ci de bihurmet yad kenê.

Nasnameyê embazê ma Cesurî wina yo:

Hemrayê ma Cesur Şirnex de ameyo dinya û bi kulturê welatperwerîye bîyo pîl. Hema domanîya xo ra Têgêrayîşê Azadîye yê Kurdîstanî nas kerd û kultur û ehleqê Apoyî kerdî merkezê cuya xo. Wextêk xebatanê ciwanan de ca girewt û tîya raştîya Rayber Apoyî û PKKyî nêzdî ra nas kerde û seba ke têkoşîno bitesîr bikero2014  tewrê sefanê gerîlayan bîyo. Name û mîrasê  merdimê xo Şehîd Cesurî yo ke sefanê têkoşînê şorişî de şehîd bîyo, dewr girewtî û şexsê ey de çekê şehîdanê ma yê bêmergan erdî de nêverdayî. Hemrayê ma yê ke raştîya şehîdanê PKKyî hole analîz kerdêne cuya xo ya şorişgêr de bi hewayêkê qerardar bi mîlîtanêko serkewte yê xeta şehîdan û felsefeya Rayber Apoyî. Lazabez hetê leşkerî ra xo aver berd, bado ke gama xo ya verêne ya gerîlatîye Botan de eşt dima ra şi Amed. Tîya heta şehadetê xo sey gerîlayêkê serkewteyî gamê pêtî eştî. Ma do mîrasê şehîdanê xo yê bêmergan o ke hemra Cesurî dewr girewtbi bi serkewtiş tacîdar bikerê.

Seredê keyeyê erjîyayeyî yê embazanê ma yê şehîdan Bahoz û Cesurî ma heme şarê welatperwerî yê Kurdîstanî rê serweşîye wazenê. Ma soz danê ke ma do wezîfeyê şorişî ke şehîdanê ma dewrê ma kerdo ma do miheqeq bîyarê ca.''