HPGyî bîlançoya şerî ya prosesê bêçalakîyî eşkera kerde. Goreyê ney Herêmê Pawitişî yê Medya 4848 reyî dîyayê bombayan ver û îşxalkeran 224 reyî zî pê topanê fosforî, bombayanê qedexekerdeyan û çekanê kîmyewîyan hêriş kerdo.
Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya prosesê bêçalakîyî pare kerde. Eşkerayîye wina ya:
''Konseya Rayberdişî ya Hemserekîya KCKyî eşkerayîya xo ya 9ê sibata 2023yî de dabî zanayene ke bira çalakînêkerdişî girewta. Fermandarîya Qerargehî ya MPŞ û HPGyî zî 11ê sibata 2023yî de bi eşkerayîyêke dabi zanayene ke ê do goreyê na bire têbigêrê. Hêzê ma 9ê sibate ra heta 13ê hezîrane çarçewa na bire de têgêrayî.
La rejîmê faşîstî yê dişmenê kurdan nê prosesê çalakînêkerdişî de zî hêrişanê xo rê dewam kerd, operasyonê hîrayî kerdî. Bi taybetî eyaletanê Dêrsim, Botan, Mêrdîn, Colemêrg, Wan, Serhed û Amedî yê Vakurê Kurdîstanî de operasyonê hîrayî kerdî. Mabênê 9ê sibate-13ê hezîrane de Vakurê Kurdîstanî de 22 embazê ma Yaşar (Osman Manak), Canşêr (Mûsa Mîromîlan), Denîz (Alî Akdogan), Egîd (Îshak Çekîn), Raperîn (Dîcle Omer), Rêvan (Peyam Demîr), Botan (Mahmût Tekîn), Alîşêr (Emrah Arpak), Xebatkar (Mûsa Kahraman), Hêjar (Sevîlay Akyildirim), Bager (Orhan Kalabalik), Ekîn (Nûran Altûnmakas), Rosîda (Belgîn Guven), Dilgeş (Serhat Yalçin), Bawer (Mûrat Aslan), Dilşêr (Mehmet Şakîr Alici), Bawer (Dîcle Yemen), Şerger (Servet Hesen), Rênçber (Hasan Agirman), Zîn (Dîlan Gokalp), Mahsûm (Vedat Ayhan) û welatparêz Lokman Gorgun şehîd bîyî. Herêmanê Pawitişî yê Medya û Başûrê Kurdîstanî de zî 10 embazê ma Mazlûm (Osman Uzen), Sînan (Fehmî Ogmen), Mazlûm (Mehmet Salîh Çakal), Ararat (Ahmed Mûhammed), Koçer (Mehmet Salîh Erdal), Botan (Bîlal Mihemed), Viyan (Serkeftin Demîr), Botan (Adil Elî), Bawer (Ahmet Îlhan) û Canşêr (Basil Ahmet) şehîd bîyî.
Artêşa îşxalkere Vakurê Kurdîstanî de operasyonanê hîrayan rê dewam kerd, Herêmê Pawitişî yê Medya zî bêmabên dayî bombayan ver. Herêmê Pawitişî yê Medya 373 reyî pê teyarayanê şerî, 139 reyî pê helîkopteran, 4336 reyî pê tank, obus û çekanê giranan dîyayî bombayan ver. Mewzîyê Warê Xoverdayîşî 224 reyî pê topanê fosforî, bombayanê qedexekerdeyan û çekanê kîmyewîyan raştê hêrişî ameyî û pê kepçeyan raştê rijnayîşî ameyî.
Vakurê Kurdîstanî de rixmo ke hêzê ma pozîsyonê çalakînêkerdişî de bîyê hêzanê ma çarçewa xopawitişî de cewab da hêrişanê dişmenî û mabênê hêzanê ma û îşxalkeran de 237 temasî qewimîyayî. Tayê nê temasî vurîyayî pêkewtişan û netîceya nînan de 84 îşxalkerî merdî, 3 îşxalkerî birîndar bîyî û 1 kontra ame cezakerdene.
Rixmê bira ma ya çalakînêkerdişî zî artêşa îşxalkere nê çar mengan de hêriş kerd û no tablo vejîya werte. Nê tabloyî û na bîlanço bira ma ya çalakînêkerdişî pasîfîze kerde. Bêguman mesuldarê nê tabloyî rejîmê AKP-MHPyî yo faşîst o ke merganê nê şerî sey awa ganî ya îqtîdarê xo vîneno.
Gerîlayê Azadîye yê Kurdîstanî do xeta şehîdan de seba ke azadîya şarê ma bîyarê ca û estbîyayîşê şarê ma bipawê sey verî bi ruhê fedayî yê Apogîrî û bêteredut têkoşinê xo rê dewam bikerê.''
