Merkezê Îrtîbatî û Çapemenîye yê HPGyî bi eşkerayîyêke da zanayene ke gerîlayê înan ê bi nameyê Dara Adar, Azad Botan, Erdal Cûdî, Şerzan Botan û Rûmet Hêvî Şoreş 19ê tebaxe de Metîna de hêrişêkê hewayî de artêşa tirke ya îşxalkere de şehîd bîyî.

Eşkerayîya HPGyî wina ya:

''19ê tebaxa 2020î de mintiqaya Kanimezinî ya Metîna de embazê ma Dara, Azad, Şerzan, Rûmet û Erdal netîceya hêrişêkê hewayî yê artêşa tirke ya îşxalkere de şehîd bîyî. Zanayîşê derheqê nasnameyê embazanê ma de wina yê:

Nameyê Qodî: Dara Adar Name û Peyname: Ahmet Bal Cayê Bîyayîşî: Sêrt Maye-Pî: Vetha - Behrem Tarîx û Cayê Şehadetî: 19ê Tebaxa 2020î / Metîna

Nameyê Qodî: Azad Botan Name û Peyname: Ramazan Bozkurt Cayê Bîyayîşî: Şirnex Maye-Pî: Hanime – Mehmet Alî Tarîx û Cayê Şehadetî: 19ê Tebaxa 2020î / Metîna

Nameyê Qodî: Şerzan Botan Name û Peyname: Veysel Dalmış Cayê Bîyayîşî: Şirnex Maye-Pî: Safîye – Îbrahim Halîl Tarîx û Cayê Şehadetî: 19ê Tebaxa 2020î / Metîna

Nameyê Qodî: Rûmet Hêvî Şoreş Name û Peyname: Ahmet Kayar Cayê Bîyayîşî: Almanya Maye-Pî: Gulnaze - Gursel Tarîx û Cayê Şehadetî: 19ê Tebaxa 2020î / Metîna

Nameyê Qodî: Erdal Cûdî Name û Peyname: Behzat Azeriş Cayê Bîyayîşî: Serdeşt Maye-Pî: Habîbe - Alî Tarîx û Cayê Şehadetî: 19ê Tebaxa 2020î / Metîna

Embazê ma Dara Pêrwarî de dadîya xo ra bîyo û serra 2009î de tewrê gerîlayan bi. Embaz Darayî serranê dergan herêma Botanî de têkoşîn kerd û pêro wezîfe û mesuldarîyê xo bi temamî ardî ca. Embaz Dara têkoşînê seba serkewtişî xo rê kerd esas, bi fermandar û milîtanê fedayî yê Rayber Apoyî.

Embazê ma Azad Cizîre de dadîya xo ra bîyo û vera asîmîlasyonê dewleta tirke tewrê gerîlayan bi. Embaz Azad pê moral û kelecanê xo şinasîyayêne û tim bi çimeyê moralî yê embazanê xo. Embaz Azadî pêro wezîfe û mesuldarîyê xo bi serkewtişê pîlî ardî ca û bi sembolê milîtanê fedayî yê Rayber Apoyî.

Embazê ma Şerzan zî Cizîre de dadîya xo ra bîyo û ciwanîya xo de verê xo da koyan. A roje ra dima embaz Şerzanî tim xîret kerd ke sey Rayber Apo biciwîyo û nê xîretê xo de pê durustî û fedakarîya xo ser kewt. Embaz Şerzanî vera DAÎŞî Mexmûr û Kerkûk de zî şer kerd. Embaz Şerzan mojna ke ganî welatperwerî senî nêzdîyê wezîfe û mesuldarîyanê xo bibê.

Embaz Rûmet keyeyê welatperwerî yê çewlîgijî ra yo û Almanya de dadîya xo ra bîyo. Embazê ma Rûmetî vera qirkerdişanê dewleta tirke dîaspora ra verê xo da koyanê azadan. Embaz Rûmetî koyanê Kurdîstanî de bi coşî resa nasnameyê xo yê raştikênî û gerîlatîya xo de tim vera tesîranê modernîteya kapîtalîzmî şer kerd. Embaz Rûmet rêçê Erdal û Eseran de bi fermandarêko serkêş.

Embazê ma Erdal şaristanê Serdeştî yê Rojhelatê Kurdîstanî de dadîya xo ra bîyo û dima ke Têgêrayîşê Azadîye yê Kurdîstanî şinasna tewrê gerîlayan bi. Embaz Erdalî tim xîret kerdêne ke xo aver bero û bi nê hawayî taktîk û terzê leşkerî de ser kewt. Embaz Erdalî bi israrî armanc kerd ke tecrubeyê xo Vakurê Kurdîstanî de pratîze bikerê.

Sere de keyeyanê ercîyayeyan ê embazanê xo yê şehîdan ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê xo de vîrameyîşê înan do bidê ciwîyayene.''