Nêrazîbîyayîşê vera PDKyî dewam kenê. Hunermendanê kurdan vera serebûtanê provakatîfan ê PDKyî nêrazîbîyayîşê xo mojna û seba yewîya neteweyîye veng da.

Hunermend Azad Bedranî vat: ''Dewleta tirke wazena mabênê kurdan de şer veja. Kurdî qet wina nêzdîyê azadîye nêbibî. Ganî Başûr pê kay û hîleyan mexepîyo. Eke armanc yewî ya ganî provakasyonan ra dûr bêro vindartene. Seke Cigerxwînî vatbî 'Eke şima nêbê yew, şima do şorê yew bi yew'. Bi na wesîle ez venga partî, rêxistin, îdare û PDKyî dana ke seba yewîya neteweyîye bixebitê.''

Kaykerdoxa tîyatroyî Perînaze Delazî wina vat: ''Dejê şerê zereyî yê 90an hema teze yo. Ganî kurdî seba yewîye bixebitê û partîyê kurdî peyê menfaatanê xo de nêgêrê. Ganî kurdîstanijî vera polîtîkayanê PDKyî vejîyê. Tarîx do hemkaran efû nêkero. Eke ma yewîya xo ca nêarê destkewteyê ma zî do destî ra şorê.''

Kaykerdoxê tîyatroyî Ferhat Aslanî vat: ''Serebûtê provakatîf û polîtîkayê PDKyî newe nîyê. Îşxalkerî wazenê kurdan vera yewbînan şer bikerê. Ganî partî û rêxistinê kurdî pê naye mexepîyê. Ganî PDK nê polîtîkayanê erzanan ra fel vera bido. Ganî verî seba yewîya neteweyîye bixebito.''

Kaykerdoxa tîyatroyî Şîlane Alagoz vat: ''Ganî partîyê Başûrî yewîya neteweyîye xo rê esas bigêrê û na babete de hîsger bibê. Yewîya neteweyîye seba kurdan mecbûrî ya. Ganî pêro kurdî seba naye bixebitê. Bi şerê zereyî nê têna bi yewîya neteweyîye serkewtiş yeno caardene.''