Merkeze Îrtîbatî û Çapemenîye yê HPGyî bi eşkerayîyêke da zanayene ke di gerîlayî Cûdî de şehîd bîyî nê pare kerdî:

‘’7ê êlula 2022yî de dormeyê dewa Serdehlê ya warê Cûdîyî de hêzanê ma çalakîya bitesîre kerde. Na çalakîye de xeylêk îşxalkerî ameyî cezakerdene û birîndar bîyî. Eynî roje verojê Mistê Elî yê Cûdî de mabênê hêzanê ma û îşxalkeran de pêkewtişê giranî qewimîyayî û war ame bombardumankerdene. Nê pêkewtiş û bombardumana de hemrayê ma Ezda û Mahîr yê ke heta nefesê xo yê peyênî bi hewayêkê qehremankîyî şer kerd, tewrê kerwanê şehîdan bîyî. Wird hemrayê ma do tim têkoşînê ma rê serkêşîye bikerê.

Nasnameyê embazanê ma yê şehîdan wina yê:

Nameyê Qodî: Ezda Meşkan Name û Peyname: Şehla Tekîn Cayê Bîyayîşî: Colemêrg Maye-Pî: Zehra-Mehmet Fehîm Tarîx û Cayê Şehadetî: 7ê Êlule 2022yî / Cûdî

Nameyê Qodî: Mahîr Başkale Name û Peyname: Emrah Duman Cayê Bîyayîşî: Wan Maye-Pî: Nezire - Remzî Tarîx û Cayê Şehadetî: 7ê Êlule 2022yî / Cûdî

Hemraya ma Ezda dewa welapterwere ya Geverî de yena dinya û bi kulturê welatperwerîye bena pîl. Seba ke merdim û dewijê ci sefanê gerîlayan de est ê hema qictîya xo ra gerîlayan nas kena û binê tesîrê xoverdayîşê tarîxî yê Gerîlayanê Azadîye yê Kurdîstanî de manena. Hemraya ma Ezda 2010 de wazena tewrê sefanê gerîlayan bibo la rîyê tay sebeban ra nêeşekena. 2013 de badê qetilkerdişê hemra Sara (Sakîne Cansiz) reyna qerarê tewrbîyayîşî gena û 15ê tebaxe de verê xo dana koyanê azadan. Perwerdeyê şerwananê neweyan Xakurkê de vînena û badê perwerdeyê leşkerî û îdeolojîkî bena gerîlayêka serkewtîye. Wextê hêrişê çetyanê DAÎŞî de semedê pawitişê şarê xo şina warê Mexmûr-Kerkukî. 2016 de sey gerîlayêka YJA Starî ravêrena Vakurê Kurdîstanî û warê Botanî de xeylêk çalakîyanê serkewtîyan de ca gena. Nizdê 6 serran warê Botanî de xo her hetî ra aver bena û bena fermandara YJA Starî û heta hela peyêne têkoşîn kena.

Hermayê ma Mahîr Elbakê Wanî de yeno dinya û dormeyêkê welatperwerî de beno pîl. Hemrayê ma Mahîr qictîya xo ra Têgêrayîşê Azadîye yê Kurdîstanî û fîkranê Rayber Apoyî nas keno. Gama xo ya verêne pê xebatanê ciwnana erzeno û xeylêk rey hetê dewleta tirke ra yeno destbendkerdene.  2013 de tewrê sefanê gerîlayan beno. Bado ke perwerdeyê verênî yê gerîlatîye geno verê xo dano Xakurkê. Wextê hêrişê DAÎŞî de Mexmûr û Kerkuk de şarê xo paweno. Bado ke wezîfeyê xo biserkewtişî ano ca verê açarneno koyanê azadan û herra bimbareke ya Botanî de gerîlatîye keno. Hemrayê ma Mahîrî heta şehadetê xo semedê serkewtişê PKKyî kede daye.’’