Endamê Konseya Rayberdişî ya KCKyî Mustafa Karauyî tewrê bernameyê 'Ulkedenî' yê Medya Haberî bi û bale ante rewşa Şingalî ser.

Karasuyî reyna vist vîrî ke Şingal de qet yew gerîla çin o/a û Şingal hetê YBŞyî ra pawîyeno û hetê êzidîyan ra zî yeno îdarekerdene. Karasuyî ard ziwan ke YBŞ û Îdareyo Xoser wayîrê wezîfeyêkê fermî yê.

Karasuyî vat: ''Heqê êzidîyan esto ke xo bipawê û îdare bikerê. No heq sey şitê dadîye înan rê helal o. Ma têna wazenê wa Şingal xoser bo û hêzê înan ê pawitişî bibo. Înan ra zêdêr yew waştişo meşrû çin o.  Wa êzidîyî xoser bibê kam Şingal îdare keno wa bikero. Ganî êzidîyî vera ê kesanê ke xoserîya Şingalî qebul nêkenê wurzê payan ser. Nê kesî vanê wa êzidîyî bibê karmend, leşker û ajanê înan. Na qayde nêbena. Wa êzidîyî xo îdare bikerê, biran bi sereyê xo bigêrê û xo îdare bikerê.

Ma vera peymana Bexdad-Hewlêrî ya seba Şingalî yê. Wexto ke na peymane ameye îmzakerdene fikrê êzidîyan ameyî girewtene? Muxatabê na peymane êzidî yê. Iraq yan zî PDKyî reyde nê ganî êzidîyan reyde pêvînayîşî bêrê kerdene. Êzidîyan reyna dî ke çew înan nêkeno herinda merdiman coka êzidîyan zî nêrazîbîyayîşê xo mojna. Ê heta peyên heqdar ê. Çîyo ke PDK na peymane de nêşinasna, xoserîya êzidîyan a. Wa êzidîyî girêdayîyê înan nêbê. Aya ke êzidîyan rê yena ferzkerdene ajanî ya û coka ganî êzidîyî vera peymana Bexdad-Hewlêrî wurzê payan ser.''