Fermandarê Qerargehê Merkezê Pawitişê Şarî (MPŞ) Murat Karayilanî bi wesîleya 4ê Nîsane rojbîyayîşê Rayberê Şarê Kurdî Abdullah Ocalanî Gerîla TVyî rê qisey kerd.

Karayilanî qiseykerdişê xo de nê çîyî vatî:

''Ma sey Qerargehê Merkezî yê MPŞyî 4ê Nîsane fîraz kenê. Bêguman 4ê Nîsane teyna rojbîyayîşê kesêkî nîyo. 4ê Nîsan rojbîyayîşê fikrêkê neweyî yo, rojbîyayîşê felsefeyêka newîye ya. Rojbîyayîşê têkoşînê azadîye yê şarê ma yo. Coka şarê ma rojbîyayîşê Rayberîye sey rojbîyayîşê xo vîneno.  4ê Nîsane roja rojbîyayîşê Rayber Apoyî heman wextî de rojbîyayîşê fikr û felsefeyêka newîye yo, roja rojbîyayîşê rayraşîyayîşê estbîyayîş û azadîye ya Kurdîstanî ya. Roja rojbîyayîşê têkoşînê azadîya şarê ma û yê şaran a.

A raşte tarîxê ma de zaf serewedaritişî û serekê nînan est ê. La Serek Apoyî tek rayber o ke bi îlmî fikr, raman û paradîgmayêka newîye awan kerdî. Ewro paradîgmaya Rayber Apoyî seba komelê azadî, komelê demokratîkî, seba şorişê cinîyan, seba şorişê ekolojîkî çarçewayêka newîye viste vernî. Cinîyê kurdî kerdî wayîrê hêzî, şarê Kurdîstanî kerd wayîrê hêz û îradeyî. Coka 4ê Nîsane seba ma, seba şarê ma, seba şaran, seba pêro cinîyan wayîrê manayêke yo.

Seke zanîyeno şarê ma seba ke wayîrê na roje vejîyo rojbîyayîşî fîraz keno heta dewa Amara ya Rayber Apoyî şino. Nê rayraşîyayîşî de ma şehîdî zî dayî. 4ê nîsana 2019î de Mustafa Dag û Mahsum Karaoglan şehîd bîyî. Ez nê şehîdanê ercîyayeyan yad kena. Înan wayîrvejîyayîşê Rayber Apoyî sey wayîrvejîyayîşê xo dî. Rayber Apo seba şarê ma nasnameyêk o. Nê esasî ser o ma sey gerîlayanê azadîye Kurdîstan de rêçê Rayber Apoyî ser o şinê. Nê esasî ser o ma reyna 4ê Nîsane fîraz kenê û têkoşînê azadîye de pêro kesan rê serkewtişî wazenê. Rojbîyayîşê Rayber Apoyî fîraz bo.''