Dewleta tirke ya îşxalkere 9ê teşrîna peyêne de taxa Hilêlî ya Qamişloyî de wesayîtêk kerdbi hedef û hêriş de welatperwer Yûsif Gulo û di tornê ci Mazlûm û Mihemed Gulo şehîd bibî.

Endamê Komîteya Rayberdişî ya PKKyî Murat Karayilanî 2010 de wexto ke Hemserekê KCKyî bi derheqê lajê Yûsif Guloyî şehîd Nureddîn Îsa Guloyî de qisey kerdbi. Qiseykerdiş de Karaylanî wina qala ey kerdêne:

''Embaz Nureddîn keyeyê Guloyî ra yo. Keyeyê Guloyî Qamişlo de pê welatperwerîya xo şinasîyeno. Serranê 80an ra nata no keye têgêrayîşê ma reyde têgêreno û tewrê xebatan beno.  Embaz Nureddîn 1987 de partîye şinasnaye. Embaz Nureddîn û keyeyê Berakatan ra Salih pîya tewrê ma bîyî. Embaz Nûreddîn rixmo ke zewijnaye bi, domanê ci estbîy tim bi fedayîtî şi gureyê xo.

Ey herêma Qamişloyî de wextêk ca girewt dima şi ware Rayberîye, Akademîya Mahsum Korkmazî de perwerde dî. Ez o çax tewrê karanê perwerdeyî bîya. Embaz Nureddîn kesêko qerardar bi. Key o akademîya ra vejîya cade waşt şoro Vakur. La cade nêşi. Ey wextêk Komîteya Mesuldarîye de ca girewt, dima şi welat. O kesêko çêr, fedayî û fedakar bi. Ma pratîk de no dî.

Embaz Nureddînî Vakur de karê gerîlayan de heman fedakarî û asta serkewtişî pratîk de mojnaye. Şehadetê ey semedê pêro herêma Qamişloyî, keyeyê Guloyî bi mesajêk. Bi taybetî keyeyê Guloyî zêdêr bitesîr bi. Xora birayê ey zî heman xete de şorişgêrêko xurt bi. O zî şehîd bi. Mîyanê keyeyê Guloyî de şehîdî zaf ê.

Heman keyeyî ra Sabrî Gulo zî şehîd bi. Embaz Nureddîn înan rê bi rayber. Rojawan de tay embazan rayberîya şorişgêrîye kerd ke embaz Nureddîn zî nînan ra yew bi. Ey duristîya PKKyî mojnaye. Coka şehadetê ey semedê pêro Rojawanê Kurdîstanî mesajêko pîl o. Ma rê nîşaneya esase ya merdimîye rêçê nê çêran de dest pêkena. Ma do tim teqîbkerdoxê şehîdan bibê. Ma do qetî şehîdan xo vîr a mekerê. Şehîdî semedê welatê xo ganê xo danê coka ê merdimê berz, pîl û rêmetên ê. Ma tim deyndarê înan ê. Ez pê bawer a ke keyeyê Guloyî na çarçewe de do wayîrê nê pratîkî bibo. Semedê cuya azade û demokratîke xeta şehîd Nureddînî de şarê kurdî û keyeyê Guloyî do zêdêr wayîrê erkanê xo vejîyê.

Ez reyna bi na wesîle şarê Qamişloyî, keyeyê Guloyî û pêro şarê Rojawanî selam kena, rêzê xo pêşkêş kena. Şehîd Nureddîn qetî bêmerg o, o do tim mîyanê dewaya ma de biciwîyo, rayberîya têkoşînê ma bikero. Serkewtişê têkoşînê azadîya Kurdîstanî de ma do wayîrê vîrameyîşê ey vejîyê.''