Hemserekîya Konseya Rayberdişî ya KCKyî seba ke Zap de derbê giranî dayî îşxalkeran ro gerîlayî bi eşkerayîyêke fîraz kerdî. Eşkerayîye wina ya:

''Dewleta tirke ya îşxalkere 8 mengî verî Herêmanê Pawitişî yê Medya de dest pê operasyonê îşxalî kerdbi. Înan armanc kerd ke mîyanê 15 rojan de nê cayan îşxal bikerê û serkewtişê xo îlan bikerê. La sey Garê dewlete nê cayan de zî bin kewte. Nika zî bi çalakîyanê gerîlayan, îşxalkerî nê cayan de mîyanê kabusî de yê. Zap de 4 baskan ra gerîlayî şîyî çeperanê dişmenî ser, bi desan leşkerî ceza kerdî û dest na xeylêk malzemeyanê leşkerîyan ser. Îqtîdarê AKPyî yo ke wazeno îqtîdaerê xo bi rayîrê îşxalan bido dewamkerdene derbanê gerîlayan wena, vera têkoşînê yewbîyayeyî yê şarê ma bin kewena. Coka emrê nê îqtîdarî derg nîyo.

Ma gerîlayan û fermandaranê ke Zap de derbê giranî dayî îşxalkeran ro fîraz kenê û înan rê serkewtiş wazenê. Gerîlayê ma yê ke binê fermanê şehîdan, şarê ma û Rayberîye ma de yê, her ca de do bibê kabusê artêşa îşxalkere, îşxalkeran her cayî ra do bivejê. Reya bîne eşkera bi ke artêşa tirke ya îşxalkere hetê remayîşî ra zaf jîhat a.

Îtîfaqo faşîst ê AKP-MHPyî do sey îqtîdaranê bînan ê tarîxî sivîlan pê SÎHAyan qetil keno, pê ferasetê DAÎŞî hêrişê êzidîyan keno, zîndanan de îşkence û zulm aver beno, tecawuzî sey metodê şiknayîşê îradeyê kurdan vîneno, pê şuxilîyayîşê çekanê kîmyewîyan qanûnan binpay keno, hêrişê cesedanê gerîlayanê şehîdan û goristanan keno. Şar û gerîlayî senî ke DAÎŞ bin kerd do nê îqtîdarê hemkarê DAÎŞî zî bin bikerê û bi nê hawayî mîyanê tarîxî de cayê xo bigêrê. Gerîlayî do bi nameyê merdimîye, têkoşînê vera îqtîdarê faşîstî rê newe ra xeta fedayîtîye de dewam bikerê.

Dewleta tirke û îqtîdaro nikayên se kenê wa bikerê şarê kurdî, şarê Rojhelatê Mîyanênî û merdimîye, îtîfaqê AKP-MHPyî sey DAÎŞî vînenê. Îqtîdarê AKP-MHPyî îmajê Tirkîya vist asta tewr xirabe. Gerîlayî, şar û têgêrayîşê ma yê azadîye bi paştdayîşî û hêzê pîlî yê moralî têkoşîn kenê. Peyê kolonyalîzmê qirkerî de zî têna şîrketê çekan estê. Şerêkê winasênî de mabênê di hêzanê winasênan de qetî do şarê ma û Têgêrayîşê Azadîye yê Kurdan ser bikewê.

Şarê Tirkîya wazeno îqtîdarê faşîstî ra bixeliso. Îqtîdarê AKP-MHPyî têna kurdan rê zulm nêkeno paştîya pêro şaranê Tirkîya de barêka giran a. Coka ne hêzêkê teberî, ne zulm, ne zî hêrişê îşxalî do bieşkê nê îqtîdarî bixelisnê. Bi derbanê gerîlayan û bi têkoşînê şarê ma do îqtîdaro faşîst bêro binkerdene.

Ma gerîlayanê xo seba ke xo ver danê û derbanê giranan danê îşxalkeran ro, reyna fîraz kennê û mîyanê Têgêrayîşê Azadîye de şarê xo û şaranê xo rê sozê xo dibare kenê ke no îqtîdaro faşîst qetî do bêro binkerdene. Ma şehîdanê xo, şarê xo yê fedakarî û pêro xoverdayoxan bi rêzdarî û bi heskerdişî selam kenê ke AKP ardo verê rijîyayîşî.''