Hemserekîya Konseya Rayberdişî ya KCKyî bi wesîleya Qirkerdişê Helebçe eşkerayîya nuştekîye daye û vat: ''Ma sey Têgêrayîşê Azadîye yê Kurdîstanî Qirkerdişê Halebçe yo ke 16ê adara 1988î de hetê rejîmê Iraq-Baasî ra bi çekanê kîmyewîyan ame kerdene, şermezar kenê û êyê ke qirkerdiş de ameyî qetilkerdene yad kenê.''

Eşkerayîye de ca dîya nînan: ''Qirkerdişê Helebçe çarçeweya planê qirkerdişê kurdan de ame kerdene. Hêzanê serdestan xo mîyan de pê kerd û  bi Pêkerdişê Lozanî Kurdîstan parçe kerd. Mîyanê nê seserran de Kurdîstan de bi destê hêzanê serdestan bi desan qirkerdişî ameyî kerdene, bi se hezaran kesî ameyî qetilkerdene. Ziwan, nasname û estbîyayîş kurdan ame înkarkerdene. Qirkerdişanê tew bidejan ê tarîxê merdîye ra yew Qirkerdişê Helebçe yo. Helebçe de hetê rejîmê Sadam Huseyînî yê zalimî ra çekê kîmyewîyî ameyî şuxulnayene. Sey Dêrsim, Zîlan û qirkerdişanê bînan ê vera kurdan, Qirkerdişê Helebçe  zî birînê giranî xo dima verdayî.

Rixmo ke Qirkerdişê Helebçe verê çimanê dinya de ame kerdene, nêrazîbîyayîşo xurt nêame mojnayene. Ewro zî dewleta tirke vera Gerîlayanê Azadîye yê Kurdîstanî çekanê kîmyewîyan şuxulnena la vengê Amerîka û dewletanê Ewropa nêejîyeno. Derheqê hêrişanê dewleta tirke yê vera Rojawan, Başûrê Kurdîstanî, Şingal û Kampa Mexmûrî zî qet vengêk nêvejîyeno. Na bêvengîye yena  manaya paştdayîşê hêrişan dewleta tirke.

Şarê Kurdîstanî hema binê tehlukeyê qirkerdişî de yo. Îqtîdaro faşîst ê AKP-MHPyî wazeno serrgêra seyin a  Pêkerdişê Lozanî de estbîyayîşê kurdan bi temamî werte ra wedaro. Ma serrgêra qirkerdişî de reyna veng danê heme dewletan û hêzan ke wa paştî medê polîtîkayanê dişmenîya vera kurdan ê îqtîdarê AKP-MHPyî. Her kurdo/a ke paştî dano/a nê îqtîdarî senî ke peyê Qirkerdişê Helebçe de vindero. Yewna manaya nê çîn a.  Şarê Kurdîstanî bi hêzdarkerdişê yewîya xo û xurkerdişê têkoşînî eşkeno hemverê qirkerdişan de vindero.''