Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 47 rojî yo nobeta edaletî gêna. Semedê qedexeyê tebervejîyayîşî ra Şenyaşarî keye de nobeta xo rê dewam kenê.

Keyeyê Şenyaşarî medyaya dîjîtale ser o dîmenê qirkerdişî vila kerdî û vat: ''No dîmen zî kameraya cîranê ma ra yo. Hêzê asayîşî dekeweno mîyan û çeke destê ey ra gêno. O xîret keno ke çeke reyna destê polîsî ra bigêro. Nameyê nê şexsî mîyanê dewa de çin o. Coka ma muhakemekerdişêkê xoserî wazenê.''