Emîne Şenyaşara ke lajê ci û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde verê bînaya Edlîyeya Riha de 41 rojî yo nobeta edaletî kena.

Çalakîya nobeta edaletî qedexeyê Korona ra semed keyeyê Şenyaşaran de dewam kena.

Keyeyê Şenyaşarî hesabê xo yê twitterî ser o dîmenê hêrişê û no mesaj pare kerdî: ''Heyetê mehkeme tam eşkera nêkerd ke kamî hêrişê kamî kerd. Goreyê kameraya teberî yê hêrişî 2 kesê ke hêrişê dikana ma kerd merdimê ma yê yan ê Yildizî yê. Eke o kesê bi tîşortê çeqerî hêrişê dikana ma nêkerdbi kesêk nêmerdayêne.''