Taxa Kaynartepe ya qezaya Baglarî ya Amedî de semedê peygoşîya Şaredarîya Baglarî ra keyeyê şarî vurîya wargehê dizdan û kesanê ke madeya kundoxe gênê.

Taxa Kaynartepe ya qezaya Baglarî ya Amedî de keyeyê şarî serra 2014î de hetê Şaredarîya DBPyî ra seba xizmetê şarî amebi akerdene. Labelê dima ke qeyûm Şaredarîya Amedî rê ame tayînkerdene mulkê şaredarîye ameyî rotene û tay keyeyê şarî zî bîyî wargehê dizdan û kesanê ke madeya kundoxe gênê û rotene. Nê keyeyan ra yew zî keyeyê şarî yê Kaynartepe yo. Keyeyê şarî hetê dizdan ra ame rijnayene û bi wargehê înan û ê kesanê ke madeya kondoxe gênê û rotene.

Endamê Meclîsê Şaredarîya Baglarîya ke ci rê qeyûm ame tayînkerdene,Zekî Kanayî derheqê babete de ANFyî reyde qisey kerd û vat: ''DBPyî na bîna sey hewceyê taxe dibi û viraşte. Bîna xizmetê şarî de bîye. La xespkerdişê Şaredarîya Baglarî ra dima bîye cayê dizdan û kesanê ke madeya kundoxe gênê. Mi derheqê babete de çend raporî nuştî û dayî şaredarîye la qeyûm ame. A roje ra nata seba keyeyê şarî cigêrayîşêk zî nêame kerdene. Eke cade keyeyê şarî nêro restorekerdene na bîna do bêra rijîyayene. Xora pêro asinê bîna û dêsî hetê dizdan ra dizîyayî. Karê şaredarîye têna wêrankerdiş û talankerdişê mulkê Baglarî yo.''