Başûrê Kurdîstanî de derheqê Mazlûm Dag û Abdurrahman Erî de bira îdamî dîyabî. Koordînasyonê KJKyî derheqê mesele de eşkerayîyêke daye.

Eşkerayîye de ame vatene ke bira îdamî ya ke kişîyayîşê qirkeranê kurdan ra semed dîyaye ciwanan ê kurdan, birêka bêrehm û bêexlaq a.

Eşkerayîya KJKyî wina dewam kena:

''Na bire hetê şefê faşîstî Erdoganî ra ameye girewtene û hetê PDKyî ra yena caardene. Yew eleqeyê na bire bi welatperwerî û netewetîperwerîye çin o.

Bira îdamî sûcê merdimîye yo. Asta dinya de vera na bire têkoşîn yeno kerdene. Dişmen vera kurdan bira îdamî dano û PDK zî ano ca. Kurdayetîya nê merdiman şikdar a, bi taybetî na bira seba ciwanan ê kurdan ra dima zafêr şikdar a.

Eke hukmatê herême xo rê vano kurd, o çax ganî goş bido dadîyanê wird ciwanan û bira ke hetê şefê faşîstî Erdoganî ra ameye girewtene, wa betal bikero.

Kurdê ke xo welatperwer vînenê, çar parçeyanê Kurdîstanî de bi taybetî Başûrê Kurdîstanî û teberê welatî de wa vera na bire wurzê payan ser û vengê xo berzêr bikerê. Bi taybetî ganî dadî û cinîyî hetê dadîyanê nê ciwanan de ca bigêrê û înan têna nêverdê.

Nameyê KJKyî ser o ma venga pêro cinîyan danê ke wayîrê wird keyeyan vejîyê û bi xurtî hemleya seba nê ciwanan bibê. Ganî rêxistin, dezgehê cinîyan, dezgehê heqanê merdiman, roşnvîr, ciwan û têgêrayîşê cinîyan ê Başûrê Kurdîstanî vera na bire têkoşîn bikerê û nêverdê ke na bire bêra caardene. Ma venga Birêz Nêçîrvan Barzanîyî danê ke wa morê xo nêdê binê na bire ro. Çunke tesdîqê na bire qet xizmetê kurdan nêkeno.''