Şarê Kampa Şehîd Rûstem Cûdîyî ya Mexmûrî zî derheqê Komployê Mîyanneteweyî yê vera Rayberê Şarê Kurdî Abdullah Ocalanî de qisey kerd.

Hemsereka Dezgehê Keyeyanê Şehîdan ê Mexmûrî Xantûr Kara vat: ''No komplo hetê DYA, welatanê Ewropa û DYA ra şexsê Rayber Apoyî de vera kurdan ame kerdene. Rayber Apoyî 22 serran de bedelê pîlî dayî û destkewteyê pîlî seba kurdan vistî destî. Bi serran o ke tecrîd dewam keno la sey şarê kurdî ganî ma keda Rayberîye rê bibê cewab. Ma tewrê Hemleya 'Wext Wextê Azadîye yo' ya KCKyî bibê.''

Hemserekê Dezgehê Keyeyanê Şehîdan ê Mexmûrî Hadî Akêtîyî zî vat: ''Rayber Apo û PKK seba şaranê Rojhelatê Mîyanênî bîyî sey çila. Coka komplogeran vera Rayber Apoyî kompoyo winasên kerd.  La şexsê Rayber Apoyî de komplo ame pûçkerdene û nêresa armancê xo. Ma sey şarê kurdî seba azadîya Rayberîye û Kurdîstanî çi bikewo milê ma do bikerê.''

Endama Dezgehê Keyeyanê Şehîdan ê Mexmûrî Sarya Marînos vat: ''Komployê vera Rayberîye ra dima bi desan kesan xo vêşna. Dişmenan no dî coka heta ewro komplo da dewamkerdene. Hemleya KCKyî do komployê vera Rayberîye pûç bikera. Deynê ma yo ke ma tewrê na hemle bibê.''