Hemserekîya KONGRA-GELî derheqê teda û zorbazîya vera tepişteyan de eşkerayîye daye. Eşkerayîye bi kilmî wina yo:

''Her ke rijîyayîşê AKP-MHPyî nêzdî beno zîndanan de zî barbarîye zêdîyena. Tepişteyê ke cezaya înan qedîyaya vera nêdîyenê, tepişteyê nêweşî nênê weşkerdene û terkê mergî yenê kerdene, zîndanan ra cenazayî vejîyenê. Na rewşe rîyê raştikênî yê AKP-MHPyî vejena werte. Yew eleqeyê nê îqtîdarî pê dînî û bawerîye çin o.

Garîbe Gezer û Vedat Çem Erkmen zîndan de ameyî qetilkerdene. Sey serranê 90an dewleta tirke zîndanan de merdiman qetil kena. No faşîzm tehlukeyê Îmraliyî û pêro zîndanan eşkera keno. Sere de Îmrali pêro zîndanî xo ver danê. Faşîzmî hêrişê nê xoverdayîşî keno la do ser nêkewo. Xoverdayîşo çêr ê Garîbe mîsalê ney o.

Ganî şarê Kurdîstan, Tirkîya û teberê welatî, cinî, ciwan, hêzê demokrasî na raştîye bivînê, cepheyê xoverdayîşê vera AKP-MHPyî de ca bigêrê. No wezîfeyo stratejîk ê nê wextî yo. Şarê Kurdîstanî û Tirkîya wa wayîrê tepişteyan vejîyê, pê çalakîyan faşîzmê AKP-MHPyî teşhîr bikerê û seferber bibê. Ma venga şarê xo yê Ewropa û dinya danê ke nê prosesî de rolê xo bi tesîrî bîyarê ca.''