Diwanê Hemserekîye yê KONGRA-GELd erheqê hêrişê îşxalî yê vera Herêmanê Pawitişî yê Medya eşkerayîye daye.

Eşkerayîye de nê ameyî parekerdene:

''Rejîmê dewleta tirke ya faşîste 24ê nîsane de vera waranê Metîna, Zap û Avaşînî yê Başûrê Kurdîstanî erd û hewayî ra hêrişî dayî desptêkerdene. Hêrişê dewleta tirke yo ke serrgêra 106. Ya Qirkerdişê Armenîyan de ame kerdene şarê kurdî rê mesajêk o. Vana mi senî ke şarê armenî na cografya de çîn kerd ez do şima zî çîn bikerê. Îqtîdaro ke badê binkewtişê Garê kewt krîzê sîyasîyî seba ke tengayî ra vejîyo hêrişê Metîna, Zap û Avaşînî keno ke rojdemê komelî bibedilno. Îtîfaqo faşîst ê AKP-MHPyî bi waştişê çînkerdişê destkewteyanê şarê kurdî û hêzanê demokrasîyî îqtîdarê xo bikero mende hêrişan keno. Amerîka û NATO ra zî hemkarê nê sûcî yê. Îtîfaqo faşîst Heftanîn û Garê de bin kewt û Newroze de zî dî ke şarê kurdî senî wayîrê Rayber Apoyî vejîyeno. Heme dinya dî ke rejîmê faşîstî verê kurdan vînî kerd.

 Çar perçeyanê Kurdîstan û bitaybetî zî teberê welatî de şarê ma ganî vera hêrişan hîsgêr têbigêro. Tewr peynî de senî ke Garê de ame vînayene garîlayî waranê xo de berpirsîyarîya xo tarîxî anê ca. La bifnfînayîşê faşîzmî têna bi gerîlayan nêbeno. Ganî şarî zî bitesîr bikewo dewre. Eke wina mebo emrê faşîzmî beno derg. Ma veng danê şarê Kurdîstan û Tirkîya bi ruhê Newroze xoverdayîşî pîlêr bikerê. ''