Sîstemê perwerdeyî yê tirkan de kurdkî sey dersêka weçinîte ca gêna. Serekê Egitim-Senî yê Colemêrgî Murat Balikesîrî derheqê babete de ANFyî rê qisey kerd.

Balikesîrî îfade kerd ke sey sendîka înan mewzaurê xo de pare kerdo ke ê perwerdeyê bi ziwanê dayîke wazenê û vat: ''Ma vanê heq o ke domanî bi ziwanê xo yê dayîke perwerde bivînê. No heqo ke peymananê mîyanneteweyîyan de esto, ganî bêro caardene û seba ney ma têkoşîn bikerê. Ganî perwerde bi ziwanê dayîke û demokratîk bo. Ma raşt nêvînenê ke perwerdeyê bi ziwanê dayîke bi dersanê weçinîteyan bêro pêşkêşkerdene. Dersê weçinîteyî seba afernayîşê hîsgerîye girîng ê la wayîrvejîyayîşê ziwanê xo zaf girîng o. Ma wazenê kurdkî biba ziwanê perwerdeyî.

Seba averşîyayîşê domananê ma, perwerdeyê ziwanî yê bi çend saetan merdiman rê nêvejîyeno. Seba zêdînayîş û averberdişê ney dersanê weçinîteyan de ganî dersê ziwanê dayîke bêrê weçînayene. Ganî keyeyî na babete de hîsger bibê ke têna dibistanan de nê keye de zî her ca de bi ziwanê dayîke domananê xo de qisey bikerê.''