Wan de 2016-2019 de herinda hemşaredaranê HDPyî de qeyûm amebi tayînkerdene.

Qeyûmanê Wanî hêverî kreşê Perperokî yo ke bi kurdkî perwerde dayêne û wextê HDPyî de amebi akerdene qefilna, karê kurdkî vindarnayî û perwerdeyê kreşî kerd tirkî. Hetê bînî ra nê qeyûman şaristanî ra tabelayê kurdkî wedarnayî.

Qeyûm Mehmet Emîn Bîlmezî zî hesabê kurdkî yê twitterî yê Şaredarîya Wanî esterit û têna hesabê tirkî verda.

Qeyûmê Wanî yo ke bi serran o bi hawayêkê sîstematîkî hêrişê kurdkî keno qaşo kursê ziwanê kurdkî akerdo. La şarê herême goş pa nêkeweno. Seba ke çewî muracatê kursan nêkerd, qeyûmî çend xebatkarî kurdan de ca kerdî û bi nê hawayî şov kerd.