Gerîlayanê YJA-Starî Bişenge Cûdî  û Destîna Tolhildan, gerîlayê HPGyî Xemgîn Bîrhat ANFyî rê qala xoverdayîşê pîlî kerd.

Gerîla Bişenge Cûdî vat: ''Warê Cîloyê Biçûkî yê Zapî, Zendûra, waranê Werxelê, Tepê Sor û Tabûra Ereban ê Avaşînî de gerîlayan taktîkê neweyî mojnayî. Dişmenî pê teyata, helîkopter, obus, hawan, katyuşa û çekê giranî hêriş kerdî. Rixmê ney zî embazê ma çalakîyanê xo ra bi serkewtişî agêrayî. Gerîlayan mojna ke dişmen nêeşkeno bi rehetî bikewo erdê Kurdîstanî.''

Gerîla Destîna Tolhildan vat: ''Dewleta tirke xîret kerd ke pê teknîk û hêrişanê kîmyewîyan ser bikewa la hunerê gerîlayan dişmen şoq kerd. Dişmenî îdîa kerd ke çend rojan de Avaşînî kontrol bikero. Embazanê ma bi mengan tunelan de şer kerd, pê tîmanê qijan çalakîyê pîlî kerdî. Şer herêma Zagrosî de keyeyê tarîxî. Şehîd Munzur de 5 baskan ra embazî şîyî serê dişmenî û dest na çekanê înan ser. Çalakîyê netîcegîrî yê gerîlayan do dewam bikerê.''

Gerîlayê HPGyî Xemgîn Bîrhatî vat: ''Dewleta tirke pêro hêzê xo seferberd kerdî la pê îradeyê gerîlayan nêeşka. Ma pê felsefe û bawerîya Rayber Apoyî bawer kenê, bi nê hawayî şer kenê. Gerîlayî seba şar û erdê Kurdîstanî şer keno. Ma do heta serkewtişî şer bikerê. Ma do tim şorê serê dişmenî.''